Роднае слова (часопіс)
«Ро́днае сло́ва» — навукова-мэтадычны ілюстраваны часопіс Міністэрства адукацыі Рэспублікі Беларусь.
| Роднае слова | |
| Тэматыка | навуковае і мэтадычнае выданьне для настаўнікаў беларускай мовы і літаратуры |
|---|---|
| Пэрыядычнасьць | штомесяц |
| Краіна | .svg){kind=small} Беларусь
|
| Адрас | 220035, г. Менск, пр-т Пераможцаў, 47/1, пад’езд 2, кв. 43 |
| Заснавальнік | Міністэрства інфармацыі РБ |
| Выдавец | Міністэрства адукацыі РБ |
| Галоўны рэдактар | Зоя Падліпская
|
| Дата заснаваньня | 1987 |
| Мова | беларуская |
| Аб’ём | 96 стар. |
| Наклад | 3141 экз. (2011) |
| ISSN | 0234-1360 |
| Узнагароды | |
| Афіцыйны сайт | rod-slova.by |
Часопіс уключаны Найвышэйшай атэстацыйнай камісіяй Беларусі ў Пералік навуковых выданьняў Рэспублікі Беларусь для апублікаваньня вынікаў дысэртацыйных дасьледаваньняў па філялягічных навуках, мастацтвазнаўстве, культуралёгіі, пэдагагічных навуках (тэорыя і мэтодыка навучаньня беларускай мове і літаратуры)[1].
Тэматыка
рэдагавацьЧасопіс асьвятляе пытаньні, зьвязаныя з мовазнаўчай, літаратуразнаўчай і культуралягічнай адукацыі ў сярэдніх і вышэйшых навучальных установах[2]. Асьвятляе пытаньні літаратурнай, мовазнаўчай і культуралягічнай адукацыі ў сярэдняй школе і ВНУ. Зьмяшчае матэрыялы па гісторыі нацыянальнай культуры, пра сучасны літаратурны працэс, лінгвістычныя праблемы, міжмоўныя сувязі, адметнасьць беларускай мовы.
Асноўныя разьдзелы: «Школа і нацыянальнае Адраджэньне», «Філялёгія», «Мэтодыка і вопыт», «Калі закончыўся ўрок», «Міжпрадметныя сувязі», «Культура Беларусі», «На ростанях».На сваіх старонках адлюстроўвае шляхі разьвіцьця нацыянальнай школы, пэдагагічнага майстэрства, дасягненьні філялягічнай навукі.
Гісторыя
рэдагавацьЧасопіс быў заснаваны ў 1987 г. як штомесячнае навуковае і мэтадычнае выданьне для настаўнікаў беларускай мовы і літаратуры. Пачаў выходзіць у студзені 1988 г. у Менску на беларускай мове штомесячна, як «Беларуская мова і літаратура ў школе». У 1992 г. быў перарэгістраваны пад новай назовай — «Роднае слова».
За 25 гадоў дзейнасьці было выдадзена больш за 3 млн экзэмпляраў. У сярэдзіне 1990‑х гг. часопіс меў найбольшы тыраж — каля 10 тысячаў экзэмпляраў[1].
Узнагароды
рэдагаваць- 2008 г. — Дыплём ляўрэята IV Нацыянальнага конкурсу друкаваных сродкаў масавай інфармацыі «Залатая Літара» ў намінацыі «Лепшы навуковы, навукова-папулярны часопіс»;
- 2008 г. — Дыплём удзельніка ХІІ Міжнароднай спэцыялізаванай выставы «СМІ ў Беларусі»;
- 2008 г. — Дыплём Саюза пісьменьнікаў Беларусі;
- 2010 г. — Дыплём удзельніка ХІV Міжнароднай спэцыялізаванай выставы «СМІ ў Беларусі»;
- 2010 г. — Дыплём ляўрэята VI Нацыянальнага конкурсу друкаваных сродкаў масавай інфармацыі «Залатая Літара» ў намінацыі «Лепшыя матэрыялы навуковай і навукова-папулярнай тэматыкі»;
- 2012 г. — Дыплём ляўрэята VIІІ Нацыянальнага конкурсу друкаваных сродкаў масавай інфармацыі «Залатая Літара» ў намінацыі «Лепшыя матэрыялы навуковай і навукова-папулярнай тэматыкі»;
- 2013 г. — Грамата Інстытуту журналістыкі Беларускага дзяржаўнага ўнівэрсітэта;
- 2013 г. — Грамата Міністэрства культуры Рэспублікі Беларусь;
- 2013 г. — Дыплём Міністэрства адукацыі Рэспублікі Беларусь за ўдзел у ХV Рэспубліканскай выставе навукова-мэтадычнай літаратуры, пэдагагічнага вопыту і творчасьці навучэнскай моладзі «Я — грамадзянін Беларусі»;
- Дыплём Міністэрства адукацыі Рэспублікі Беларусь за ўдзел у ХVІ Рэспубліканскай выставе навукова-мэтадычнай літаратуры, пэдагагічнага досьведу і творчасьці навучэнскай моладзі (2015);
- Падзяка філялягічнага факультэту БДУ (2016);
- Падзяка выдавецтва «Адукацыя і выхаваньне», часопісу «Беларуская мова і літаратура» (2016);
- Падзяка Міністра інфармацыі Рэспублікі Беларусь (2018);
- Падзяка Нацыянальнага мастацкага музэю Рэспублікі Беларусі (2022);
- Падзяка Дзяржаўнага літаратурнага музэю Янкі Купалы (2022);
- Падзяка Дзяржаўнага літаратурна-мемарыяльнага музэю Якуба Коласа (2022);
- Падзяка філялягічнага факультэта Беларускага дзяржаўнага ўнівэрсытэту (2023);
- Грамата Нацыянальнага інстытуту адукацыі (2023);
- Грамата ГА «Саюз пісьменьнікаў Беларусі» (2023)[1].
Галоўныя рэдактары
рэдагаваць- Міхась Шавыркін (1988—2006)
- Ларыса Сагановіч (2006—2007)
- Уладзімер Куліковіч (2007—2009)
- Зоя Падліпская (2009—2019)
- Натальля Шапран (з 2019)
Крыніцы
рэдагаваць- ^ а б в Інфармацыя пра часопіс. Роднае слова. Праверана 15 чэрвеня 2023 г.
- ^ Лугоўскі А.І. Роднае слова // Слоўнік студэнта-філолага па методыцы выкладання беларускай літаратуры. — Мн.: БДПУ, 2008. — С. 81. — 106 с.
Літаратура
рэдагаваць- Лугоўскі А.І. Роднае слова // Слоўнік студэнта-філолага па методыцы выкладання беларускай літаратуры. — Мн.: БДПУ, 2008. — С. 81. — 106 с. — ISBN 978-985-501-667-1
- Беларускія пісьменнікі на старонках часопіса «Роднае слова»(недаступная спасылка) : бібліягр. паказ. / Бел. ассац. «Конкурс»; склад. : А. В. Высоцкая [і інш.]. — Мінск : Бел. асац. «Конкурс», 2008. — 256 с — ISBN 978-985-6821-22-9.
Вонкавыя спасылкі
рэдагаваць- Сайт часопіса «Роднае слова»
- Архіў часопіса «Роднае слова» ў Беларускай Інтэрнэт-Бібліятэкі Камунікат