Раста

рака ў Беларусі

Раста́ — рака ў Магілёўскай вобласьці, правы прыток ракі Проні (басэйн Дняпра). Даўжыня 100 км. Плошча вадазбору 1290 км². Выдатак вады ў вусьці 6,8 м³/с. Сярэдні нахіл воднай паверхні 0,6‰.

Рака
Раста
Church of the Dormition in Suchary.jpg
Агульныя зьвесткі
Выток каля в. Аляксандраўка
Вусьце Проня
Краіны басэйну Беларусь
Вобласьці Магілёўская вобласьць
Даўжыня 100 км
Сярэднегадавы сьцёк 6,8 м³/с
Плошча басэйну 1290 км²
Нахіл воднай паверхні 0,6 ‰

Асноўныя прытокіРэдагаваць

Агульныя зьвесткіРэдагаваць

Пачынаецца каля вёскі Аляксандраўка Шклоўскага раёну, вусьце за 2 км на паўднёвы ўсход ад вёскі Харанеў Прапойскага раёну. Цячэ Аршанска-Магілёўскай раўнінай.

Даліна добра распрацаваная, глыбокаўрэзаная, трапэцападобцая, пераважная шырыня 0,6—1 км. Схілы спадзістыя і ўмерана стромкія, часам стромкія, вышынёй 10—15 м. Абалона двухбаковая, слабазабалочаная. Паверхня яе ў вярхоўі роўная, у сярэдняй плыні куп′істая, у ніжняй узгорыстая, парэзаная мэліярацыйнымі каналамі (шырыня 0,3—0,4 км). У разводзьдзе затапляецца на глыбіню 0,5—1,5 м на 5—10 дзён. Рэчышча вольна мэандруе, умерана зьвілістае, ніжэй за вёску Харкаўка Чавускага раёну трапляюцца невялікія выспы. Берагі стромкія, месцамі абрывістыя, вышынёй 0,8—1,5 м.

Найвышэйшы ўзровень разводзьдзя ў пачатку красавіка, сярэдняя вышыня над межанным узроўнем ад 2,3 м у верхняй плыні да 3,2 м у ніжняй. Замярзае ў пачатку сьнежня, крыгалом у канцы сакавіка. Веснавы ледаход у сярэднім 5 дзён[1].

КрыніцыРэдагаваць

  1. ^ Блакітная кніга Беларусі. Энцыкл. — Менск, 1994. С. 308

ЛітаратураРэдагаваць

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 308
  • Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
  • Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971