Раман Давыскіба
Рама́н Давыскі́ба (нар. 31 сакавіка 2001) — беларускі футбаліст, паўабаронца наваполацкага «Нафтану».
| Раман Давыскіба | ||
| Пэрсанальная інфармацыя | ||
|---|---|---|
| Нарадзіўся | 31 сакавіка 2001 (22 гады) | |
| Рост | 180 см | |
| Вага | 82 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Нафтан | |
| Нумар | 90 | |
| Клюбы | ||
| Гады | Клюб | Гульні (галы)¹ |
| 2020—2023 2022 2023— |
Дынама Менск → Шахцёр Салігорск (арэнда) Нафтан |
29 (2) 8 (0) 6 (1) |
| Зборныя | ||
| 2017 2019 2020—2022 |
Беларусь (да 17) Беларусь (да 19) Беларусь (да 21) |
3 (0) 3 (1) 12 (2) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
Выхаванец ДЮСШ гораду Жлобіну. Юнаком трапіў у структуру менскага «Дынама», дзе з 2018 году пачаў выступаць за клюбны дубль. У 2020 годзе пачаў прыцягвацца да асноўнай каманды. У ліпені 2020 году падоўжыў кантракт з дынамаўцамі[3]. Дэбютаваў у Найвышэйшай лізе 27 верасьня 2020 году, калі выйшаў у стартавым складзе ў матчы супраць «Віцебску» (1:0) і быў заменены ў другім тайме. У сэзоне 2021 году пачаў трывала зьяўляцца ў асноўнай камандзе дынамаўцаў. Пры гэтым спачатку выходзіў у стартавым складзе, пасьля пачаў пераважна выходзіць на замену.
У сакавіку 2022 году на правах арэнды далучыўся да салігорскага «Шахцёра»[4]. У складзе салігорскай каманды быў гульцом ратацыі, часьцей выходзіў на замену або заставаўся на лаўцы запасных. У сьнежні 2022 году па заканчэньні арэнды пакінуў «Шахцёр»[5]. У студзені 2023 году пачаў трэнавацца разам з «Дынама»[6], аднак неўзабаве быў пераведзены ў дубль, дзе і пачаў сэзон 2023 году. У ліпені 2023 году па пагадненьні бакоў скасаваў кантракт з сталічным клюбам[7] і неўзабаве далучыўся да складу наваполацкага «Нафтану»[8].
Міжнародная рэдагаваць
У кастрычніку 2017 году гуляў за зборную Беларусі (да 17 гадоў) у кваліфікацыйным раўндзе чэмпіянату Эўропы. У кастрычніку 2019 году гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы. 9 кастрычніка 2020 году дэбютаваў у моладзевай зборнай Беларусі, адгуляўшы ўсе 90 хвілінаў у адборачным матчы чэмпіянату Эўропы супраць зборнай Кіпру (1:2) і забіўшы адзіны гол сваёй каманды.
Дасягненьні рэдагаваць
«Дынама»:
- Бронзавы прызэр чэмпіянату Беларусі: 2021
«Шахцёр»:
- Чэмпіён Беларусі: 2022
Крыніцы рэдагаваць
- ^ а б https://dinamo-minsk.by/dubliruyushhij-sostav/2023/roman-davyskiba
- ^ а б https://www.pressball.by/footballstat/roman_davyskiba/
- ^ Даниил Шапко, Роман Давыскиба и Глеб Ровдо продлили контракты с минским "Динамо" Архівавана 22 лютага 2022.
- ^ "Шахтер" арендовал Давыскибу у минского "Динамо"
- ^ Фейжан и Давыскиба покинули "Шахтер"(рас.) Праверана 2022-12-19 г.
- ^ Путило и Давыскиба снова тренируются с минским "Динамо"(рас.) Праверана 2023-01-05 г.
- ^ Минское "Динамо" рассталось с собственным воспитанником Романом Давыскибой(рас.) Праверана 2023-07-11 г.
- ^ Роман Давыскиба стал игроком новополоцкого "Нафтана"(рас.) Праверана 2023-07-19 г.
Вонкавыя спасылкі рэдагаваць
- Профіль(анг.) на Transfermarkt
- Профіль(анг.) на Soccerway