Пінская шляхта (п’еса)

«Пі́нская шля́хта» — п’еса клясыка беларускай літаратуры, майстра камічнага жанру Вінцэнта Дуніна-Марцінкевіча[1] (фарс-вадэвіль у адной дзеі[2]). Напісана ў 1866 годзе, першая публікацыя зьявілася ў 1918 годзе ў часопісе «Вольная Беларусь» (№№ 30—31)[3].

«Пінская шляхта»
Dunin Marcinkievic Pinskaja slachta.jpg
Кніга «Пінская шляхта»
выд. ««Мастацкая літаратура», 2010 г.
Жанр: п’еса
камэдыя
Аўтар: Вінцэнт Дунін-Марцінкевіч
Мова арыгіналу: беларуская
Год напісаньня: 1866
Публікацыя: 1918
Электронная вэрсія

СюжэтРэдагаваць

Пінская шляхта — гэта гарэзьлівая, сьмешная і, адначасова, вельмі пазнавальная гісторыя на тэму жыцьця мясцовай беларускай шляхты. У ёй апавядаецца пра фанабэрыстых і пыхлівых дробных шляхцюкоў, якія па сваім матэрыяльным становішчы ды ладзе жыцьця, не на шмат адрозьніваюцца ад сялянаў. Але, нягледзячы на тое, яны для сябе лічаць найвялікшай абразай, калі іх хтосьці называе «мужыкамі». І пры ўсёй іх фанабэрыстасьці яны баяцца начальства, тых хто мае над імі ўладу.

У сваёй п’есе Дунін-Марцінкевіч высьмейвае царскі суд, бюракратызм і хабарніцтва чыноўнікаў, якія самі ж і парушаюць усе магчымыя законы, якія яны прадстаўляюць, ды выносяць абсурдныя прыгаворы[2][3][4].

Гісторыя стварэньняРэдагаваць

П’еса «Пінская шляхта» Дуніным-Марцінкевічам была напісаная ў 1866 годзе. Першая яе публікацыя зьявілася ў 1918 годзе ў часопісе «Вольная Беларусь» (№№ 30—31). Другое выданьне «Пінскай шляхты» было зьдзейсьнена ў 1923 годзе.

У Беларускім дзяржаўным архіве-музэі літаратуры і мастацтва захоўваецца выданьне п’есы, выпушчанае ў Польшчы (Беласток, 1958)[3].

Мова п’есыРэдагаваць

П’еса была напісаная на беларускай мове. Але ў дасьледчыкаў выклікае цікавасьць, што яна была напісана на пінскім дыялекце, часам выкарыстоўваецца беларуска-ўкраінская песенна-інтымная лірыка XVIII стагодзьдзя[4].

Тэатральныя пастановыРэдагаваць

П’еса ставіцца ў Менскім Купалаўскім тэатры[2] Палескім драматычным тэатры гораду Пінску на мове арыгіналу.

КрыніцыРэдагаваць

  1. ^ Пінская шляхта. Живая библиотека. Праверана 26 лютага 2013 г.
  2. ^ а б в Пінская шляхта Праверана 26 лютага 2013 г.
  3. ^ а б в «Пінская шляхта» Драматургічныя творы. Нацыянальны гістарычны архіў БеларусіПраверана 26 лютага 2013 г.
  4. ^ а б М. Хаўстовіч (26 лютага 2013) Загадка «Пінскае шляхты» Літаразнаўства. Mowaznaustwa.ru. — Працы катэдры гісторыі беларускай літаратуры Белдзяржунівэрсытэта. – Вып.2. – Мінск, 2002. Праверана 26 лютага 2013 г.

ЛітаратураРэдагаваць

  • Ільін, А. «Хрэн табе ў вочы!»: дык хто ж напісаў «Пінскую шляхту»? // Наша гісторыя, №1, 2019, с. 41—45. ISBN 2617-2305

Вонкавыя спасылкіРэдагаваць