Піліп Кізевіч
Пілі́п Кізе́віч (15 лістапада 1898, в. Стральцы, Гарадзенскі павет — 17 студзеня 1985, Беласток) — беларускі грамадзка-палітычны дзяяч.
Біяграфія
рэдагавацьУ верасьні 1926 году — скарбнік Гарадзенскага павятовага камітэту БСРГ. Сябра Гарадзенскай гарадзкой управы ТБШ на 23 сакавіка 1927 году. На выбарах у сойм 1928 году ўваходзіў у склад Беларускага сялянска-работніцкага саюзу.
На зьезьдзе павятовых дэлегатаў ТБШ у Горадні 12 ліпеня 1928 году быў абраны скарбнікам Гарадзенскага акруговага і павятовага праўленьняў ТБШ. Удзельнік Гарадзенскага акруговага зьезду ТБШ 14 кастрычніка 1928 году, дзе абраны дэлегатам на агульны сход ТБШ у Вільні. Сябра Галоўнай управы ТБШ.
На яго імя было аформлена валоданьне беларускай кнігарняй у Горадні. Арыштаваны паліцыяй 7 ліпеня 1929 году.
Пасьля Другой сусьветнай вайны жыў у Польшчы. Сябра праўленьня Беларускага грамадзка-культурнага таварыства ў Беластоку. Дырэктар беластоцкіх вадаправодаў[1].
Пахаваны на могілках каталіцкай парафіі Усіх Сьвятых у Беластоку.
Крыніцы
рэдагаваць- ^ Сакрат Яновіч. Не жаль пражытага(недаступная спасылка) // Бібліятэка Беларускага літаратурнага аб’яднаньня Белавежа (40), Беласток 2002, 190 с.