Піка-дэ-гальлё

Піка-дэ-гальлё (па-гішпанску: pico de gallo — «дзюба пеўня») — сьвежы соўс з раздробненых памідораў, цыбулі і чылі.

У гэтым соўсе, які належыць да гатунку сальса, могуць прысутнічаць і іншыя інгрыдыенты, напрыклад лайм, лімоны, авакада, агурок і радыска.

У некаторых рэгіёнах Мэксыкі пад Pico de gallo разумеюць агароднінную салату з сокам лайму і салёнага парашка з чылі, у той час як пад сальсай там разумеюць «Salsa picada» або «Salsa Mexicana», таму што яна ўтрымлівае колеры сьцяга Мэксыкі — чырвоны (памідоры), белы (цыбуля) і зялёны (перац).