Пхэньян

Пхэнья́н ці П’ёнґ’янґ (па-карэйску: 평양) — сталіца Карэйскай Народна-Дэмакратычнай Рэспублікі, на карэйскай мове азначае «шырокая зямля» ці «ўтульная мясцовасьць», разьмяшчаецца ў заходняй частцы краіны ў прыморскай нізіне, на вышыні каля 85 м над узроўнем мора на раце Тэдон, каля 50 км ад яе вусьця. Горад зьяўляецца асноўным прамысловым і навукова-эканамічным цэнтрам краіны.

Пхэньян
кар. 평양
Першыя згадкі:	1122 да н. э.
Краіна:	Карэйская Народна-Дэмакратычная Рэспубліка
Плошча:	3194 км²
Вышыня:	38 м н. у. м.
Насельніцтва (2008)
колькасьць:	3 255 388 чал.
шчыльнасьць:	1019,22 чал./км²
Часавы пас:	UTC+8:30
Геаграфічныя каардынаты:	39°1′0″ пн. ш. 125°44′51″ у. д.
Пхэньян на мапе Карэйскай Народна-Дэмакратычнай Рэспублікі Пхэньян
Галерэя здымкаў у Вікісховішчы

Гісторыя

Пхэньян — адзін з самых старажытных гарадоў Карэі — закладзены ў 1122 годзе да н. э. У 427—668 гадах сталіца каралеўства Кагурджа. Потым горад быў зьнішчаны кітайскімі войскамі. У пэрыяд з 918 да 1392 году Пхэньян выконваў ролю сталіцы Карэі. З 1592 да 1593 году часова быў захоплены японцамі. З XVII стагодзьдзя палітычны і культурны цэнтар паўночна-заходняй Карэі. У 1627 годзе Пхэньян зноў быў захоплены і зьнішчаны кітайскімі войскамі. Падчас кітайска-японскай вайны 1894—1895 гадоў горад быў значна пашкоджаны. У 1910—1945 гадах ён быў адбудаваны падчас японскай акупацыі. У 1945 годзе горад быў вызвалены савецкімі войскамі. З 1948 году — Пхэньян сталіца Паўночнай Карэі. У часе Карэйскай вайны горад знаходзіўся пад кантролем войскаў ААН, але потым быў заняты кітайскімі і паўночнакарэйскімі войскамі. Пасьля вайны горад быў адбудаваны пры дапамозе СССР і Кітаю.

Адміністрацыйны падзел

Пхэньян падзелены на 19 акругаў (гуёк) і 4 раёны (кун).

Клімат

Клімат мусонны, з рэзкім адрозьненьнем пораў году і сэзонаў засухі і дажджоў. Тэмпэратура паветра ў студзені -8 °C, у ліпені 24 °C. Гадавая колькасьць ападкаў каля 1000 мм.