Прэкуле

Прэ́куле (па-летувіску: Prekulė) — горад у заходняй Летуве, знаходзіцца ў Клайпедзкім раёне Клайпедзкага павету за 20 кілямэтраў ад Клайпеды. Колькасьць насельніцтва налічвае 1,7 тыс. чалавек. Горад знаходзіцца ў этнаграфічным рэгіёне Малая Летува. Праз горад цячэ рака Мінія. Прэкуле зьяўляецца чыгуначнай станцыяй на лініі Клайпеда — Савецк.

Прэкуле
лет. Priekulė
Герб Прэкуле Сьцяг Прэкуле
Першыя згадкі:	XVI стагодзьдзе
Горад з:	1948
Былыя назвы:	Памінія, Прокульс
Краіна:	Летува
Павет:	Клайпедзкі
Раён:	Клайпедзкі
Плошча:	2,45 км²
Вышыня:	4 м н. у. м.
Насельніцтва (2005)
колькасьць:	1690 чал.
шчыльнасьць:	689,8 чал./км²
Часавы пас:	UTC+2
летні час:	UTC+3
Тэлефонны код:	46
Паштовы індэкс:	LT-96047
Геаграфічныя каардынаты:	55°33′20″ пн. ш. 21°19′10″ у. д.
Прэкуле на мапе Летувы Прэкуле
Галерэя здымкаў у Вікісховішчы
http://www.priekule.lt

Гісторыя

Назва Прэкуле ўпершыню ўзгадваецца ў першай палове ХVI стагодзьдзя. Пачаткова паселішча мела назву Памінія (на рацэ Мінія), і гэта была малая вёска з трыма гаспадаркамі. У 1511 годзе тут адкрылася карчма «zur Minnige». У 1540 годзе яе набыў Лукас Прэкал. Ад ягонага прозьвішча пайшла і новая назва паселішча «Прэкола» ці «Прэкуле», якая ўпершыню зьявілася на мапе ў 1548 годзе. У 1587 годзе ў паселішчы быў пабудаваны касьцёл.

У 1609 годзе, падчас Польска-швэдзкай вайны 1600—1611 гадоў паселішча было спаленае польска-літвінскімі войскамі. У 1688 годзе быў пабудаваны новы касьцёл.

У 1905 годзе паселішча, якое цяпер мела назву «Prökuls», знаходзілася ў складзе Прусіі, мела 500 дамоў і было заселенае пераважна лютэранамі. Перад Другой Сусьветнай вайной у паселішчы жыло каля 1200 чалавек.

Пасьля 1921 году Прэкуле апынулася ў складзе Левувы. Статус гораду Прэкуле атрымала ў 1948 годзе.

Глядзіце таксама

• Прыекулэ
• Прыекулі