Пракуратура Койданаўскага раёну

	Пракуратура Койданаўскага раёну
Агульная інфармацыя
Папярэднік	Пр-ра Койданаўскага раёну БССР
Дата ўтварэньня	27 ліпеня 1991 (32 гады таму)
Задача	1) перадача карных і грамадзянскіх справаў у суд,; 2) удзел у судзе дзяржаўным абвінаваўцам
Сядзіба	222712 Беларусь,; м. Койданаў,; вул. Фаміных, 22а
Дзейнічае ў месцах	Койданаўскі раён
Службовыя мовы	расейская; беларуская
Пракурат	Непакупны Уладзімер Пётравіч
Управа	Пр-ра Менскае в-сьці
Галоўная ўправа	Ген. пракуратура
Зьвязаныя службы	суд; СК РБ; міліцыя; ДПК РБ; КДБ РБ; Адвакатура
Старонка ў сеціве	Старонка ў сеціве

Пракуратура Койданаўскага раёну^[1] — раённая ўправа ў Менскае вобласьці. Акруга дзейнасьці — Койданаўскі раён, Менская вобласьць. Вышэйшая ўстанова — Пракуратура Менскае вобласьці.

Асноўны артыкул: Раённая пракуратура

Пракуратура знаходзіцца ў месцы: 222712 г. Койданава, вул. Фаміных, 22а.

Галава пракуратуры (па стане на 1 студзеня 2022 году) — пракурат Непакупны Уладзімер Пётравіч^[a] і мае званьне раднік юстыцыі.

Назва рэдагаваць

Назва ўправы мае адрозьненьне ад правапісу:

Сьцяг	Правапіс	Назва
	Тарашкевіца	Пракуратура Койданаўскага раёну
	Наркамаўка	Пракуратура Дзяржынскага раёна

Дзейнасьць рэдагаваць

Пракуратура назірае за выкананьнем права ўсімі грамадамі й людзьмі. Галоўныя веды аб правапарушэньнях бяруцца зь міліцыі (райаддзел унутраных спраў, або гараддзел унутраных спраў). Сьледзтва аб злачынствах вядзе мясцовы аддзел сьледчага камітэту Беларусі. Па асобных карных справах могуць весьці карную справу КДБ і ДПК, а потым перадаць пракуратуры для далейшае перадачы карнае справы ў суд.

Права рэдагаваць

У адпаведнасьці з артыкулам 4 Закона Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З задачамі пракуратуры зьяўляюцца^[2]:

забесьпячэньне вяршэнства права, законнасьці й правапарадку,
абарона правоў і законных інтарэсаў грамадзян і грамадаў, а таксама грамадзкіх і дзяржаўных інтарэсаў.

У мэтах выкананьня гэтых задач пракуратура ажыцьцяўляе нагляд за:

дакладным і аднастайным выкананьнем законаў, дэкрэтаў, указаў і іншых нарматыўных прававых актаў дзяржаўнымі органамі кіраваньня і іншымі дзяржаўнымі арганізацыямі, падпарадкаванымі Савету Міністраў Рэспублікі Беларусь, мясцовымі прадстаўнічымі, выканаўчымі і распарадчымі органамі, грамадзкімі абьяднаньнямі, рэлігійнымі арганізацыямі і іншымі арганізацыямі, службовымі асобамі і іншымі грамадзянамі, у тым ліку індывідуальнымі прадпрымальнікамі;
выкананьнем заканадаўства пры ажыцьцяўленьні апэратыўна-вышуковае дзейнасьці;
выкананьнем закона падчас дасудовае вытворчасьці, пры вытворчасьці папярэдняга сьледзтва і дазнаньні;
адпаведнасьцю закону судовых пастаноў, а таксама за выкананьнем заканадаўства пры іх выкананьні;
выкананьнем заканадаўства пры выкананьні пакараньня і іншых мер карнае адказнасьці, а таксама мер прымусовага характару.

Пракуратура павінна правіць праваахоўнаю дзейнасьцю дзяржаўных органаў, якія ажыцьцяўляюць барацьбу са злачыннасьцю і карупцыяю, а таксама дзейнасьць па барацьбе са злачыннасьцю іншых арганізацыяў, якія ўдзельнічаюць у барацьбе са злачыннасьцю, дзейнасьць па папярэджаньню правапарушэньняў.

Пракуратура праводзіць папярэдняе сьледзтва ў выпадках, прадугледжаных Крымінальна-працэсуальным кодэксам Рэспублікі Беларусь. Пракуроры прымаюць удзел у разглядзе судамі грамадзянскіх спраў, спраў, зьвязаных з ажыцьцяўленьнем прадпрымальніцкае і іншай гаспадарчае (эканамічнае) дзейнасьці, падтрымліваюць дзяржаўнае абвінавачаньне па карных справах, удзельнічаюць у адміністрацыйным працэсе.