Про Ліга чэмпіянату Бэльгіі па футболе

	Про Ліга
Краіна	Бэльгія
Канфэдэрацыя	УЭФА
Заснаваная	1895
Колькасьць камандаў	16
Вылет у	Чэленджэр Про Ліга
Узровень ў пірамідзе	Узровень 1
Хатнія кубкі	Кубак Бэльгіі, Супэркубак Бэльгіі
Міжнародныя кубкі	Ліга чэмпіёнаў; Ліга Эўропы; Ліга канфэрэнцыяў;
Дзейны чэмпіён	Бругэ — 19-ы тытул (2023—2024)
Найбольш пасьпяховы клюб	Андэрлехт — 34 тытулы
ТБ-партнэры	Telenet, VOO, Belgacom TV, Vtm, RTBFFox Sports Eredivisie, NOS
	Сэзон 2024—2025 гадоў

Про Ліга (па-нідэрляндзку: Pro League; вядомая як Жупілер Про Ліга) — найвышэйшая футбольная ліга ў Бэльгіі. Заснаваная ў 1895 годзе і, такім чынам, зьяўляецца адной з найстарэйшых у сьвеце.

Удзел у спаборніцтве прымаюць 16 клюбаў. Сэзон пачынаецца ў канцы ліпеня й праходзіць да пачатку траўня, каманды мусяць згуляць 30 матчаў у рэгулярным сэзоне, а затым вядуць барацьбу ў трох плэй-оф групах — у групе за перамогу ў турніры, групе сярэдзіны табліцы й групе за захаваньне месца ў чэмпіянаце на наступны сэзон. У плэй-оф за перамогу вядуць барацьбу першыя шэсьць камандаў з выніковай табліцы рэгулярнага сэзону, кожны клюб гуляе зь іншым з групы два разы. У другім плэй-оф турніры прымаюць удзел клюбы, якія занялі месцы з 7 па 14 у рэгулярным сэзоне, падзеленыя на дзьве групы па 4 каманды, таксама гуляюць адзін з адным два разы. Сутнасьць гэтага турніру плэй-оф хаваецца ў тым, што ягоны пераможца атрымлівае права згуляць з 4 камандай чэмпіёнскага раўнду плэй-оф за ўдзел у Лізе Эўропы. Плэй-оф за захаваньне месца ў чэмпіянаце складаецца з 5 матчаў паміж камандамі з 15 і 16 радкоў табліцы рэгулярнага сэзону, гульняў можа быць і менш паміж камандамі, як напрыклад, калі адзін з клюбаў артымае ў першых трох гульняў тры перамогі. Ліга спансуецца буйным бэльгійска-бразыльскім броварам AB InBev, які акрамя розных гатункаў стварае піва маркі Jupiler, таму турнір афіцыйна вядомы як Жупілер Про Ліга.

Чэмпіянат быў створаны ў 1895 годзе Каралеўскай бэльгійскай футбольнай асацыяцыяй, а першым чэмпіёнам стаў клюб «Льеж». З 74 клюбаў, якія бралі ўдзел у турніры з моманту ягонага стварэньня, 15 былі чэмпіёнамі Бэльгіі. «Андэрлехт» зьяўляецца самым пасьпяховым клюбам, маючы на сваім рахунку 34 перамогі ў чэмпіянаце, наступным клюбам паводле колькасьці перамог зьяўляецца «Бруге», на рахунку якога 19 перамогаў.

Про Ліга чэмпіянату Бэльгіі па футболе

Вонкавыя спасылкі