Папіямэнта

Папіямэнта (саманазва papiamento ці papiamentu) — крэольская мова, родная для насельніцтва астравоў Аруба, Кюрасао й Банэйр. У цяперашні час ёй валодаюць каля 329 тысячаў чалавек.

Папіямэнта
Papiamento / Papiamentu
Ужываецца ў	былых Нідэрляндзкіх Антылах (Кюрасао, Аруба, Карыбскія Нідэрлянды)
Рэгіён	Малыя Антыльскія астравы
Колькасьць карыстальнікаў	329 000
Клясыфікацыя	крэольскія мовы
Афіцыйны статус
Афіцыйная мова ў	Кюрасао, Арубе, Карыбскіх Нідэрляндах
Статус:	1 дзяржаўная[d]
Пісьмо	лацінскае пісьмо
Коды мовы
ISO 639-2(Б)	pap
ISO 639-2(Т)	pap
ISO 639-3	pap

Афіцыйны статус

Папіямэнта зьяўляецца афіцыйнай мовай Арубы (побач зь нідэрляндзкай). Ад 7 сакавіка 2007 году папіямэнта — дзяржаўная мова Нідэрляндзкіх Антылаў (побач зь нідэрляндзкай дый ангельскай).

Дыялекты

Існуюць 2 галоўныя дыялекты мовы папіямэнта, адзін зь іх ужываецца на Арубе, другі — на Кюрасао й на Банэйры. Галоўная розьніца паміж гэтымі дыялектамі фанэтычная. Апроч таго, дзеля розных дыялектаў папіямэнта ўжываюцца розныя артаграфічныя сыстэмы: артаграфія папіямэнта на Кюрасао й Банэйры больш фанэтычная, галоўны прынцып арубанскае артаграфіі — этымалягічны.

Большасьць словаў, якія ў арубанскім дыялекце заканчваюцца на літару o, на Кюрасао й Банэйры пішуцца праз u: palo/palu (па-беларуску: дрэва). Апроч фанэтычнай, паміж дыялектамі існуе нязначная лексычная й інтанацыйная розьніца.

Фанэтыка

У мове папіямэнта ўжываецца 10 галосных: /a/, /e/, /ɛ/, /i/, /o/, /ɔ/, /u/, /ø/, /y/, /ə/. Існуе націск, апроч таго, папіямэнта зьяўляецца тонавай мовай.

Вонкавыя спасылкі

• Papiamentu Мова папіямэнта ў Ethnologue
• Гісторыя й граматычныя асаблівасьці папіямэнта
• Аб паходжаньні папіямэнта
• Папіямэнта-ангельскі слоўнік
• Papiamentu Translator
• Урывак зь Бібліі на папіямэнта
• La Prensa, галоўная газэта Кюрасао на мове папіямэнта
• Radio Curom, радыё на мове папіямэнта.