Панэгірык

Панэгі́рык — даўні літаратурны жанр, які ўяўляе сабой хвалебную прамову ў гонар нейкага старажытнагрэцкага бога, героя, гораду і г. д. Пазьней панэгірыкамі сталі называць любы літаратурны твор хвалебнага характару (у адрозьненьне ад супрацьлеглай сатыры). Такі, напрыклад, панэгірык князям Радзівілам С. Буднага, надрукаваны ў пачатку яго «Катэхізіса» (1562) з прычыны таго, што ў Нясьвіскай друкарні пачалі выдавацца беларускія кнігі.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4