Палац Агінскіх (Вільня)

Помнік грамадзянскай архітэктуры
Палац Агінскіх лет. Oginskių rūmai
Палац Агінскіх
Краіна	Летува
Места	Вільня
Каардынаты	54°40′36″ пн. ш. 25°17′8″ у. д.
Архітэктурны стыль	клясыцызм
Палац Агінскіх на мапе Летувы Палац Агінскіх

Пала́ц Агі́нскіх — помнік архітэктуры XVIII стагодзьдзя ў Вільні. Знаходзіцца ў Старым Месьце, паміж вуліцамі Конскай і Рудніцкай, пад адрасам вуліца Конская, 5. Твор архітэктуры барока і клясыцызму. Аб’ект Рэгістру культурных каштоўнасьцяў Летувы.

Гісторыя

Вялікае Княства Літоўскае

У сярэдзіне XVII — XVIII стагодзьдзях князі Агінскія набылі ў Вільні некалькі камяніцаў. У першай палове XVIII ст. Ігнаці Агінскі (1698—1775) збудаваў вялікі корпус палаца, у сярэдзіне XVIII ст. — малы корпус з флігелем.

Пазьней будынкі рэканструявалі ў стылі клясыцызму: фасад з боку Конскай вуліцы — архітэктар Ян Хаўтынг, фасад з боку Рудніцкай вуліцы — Тамаш Русэль.

Пад уладай Расейскай імпэрыі

У сярэдзіне XIX ст. комплекс дапоўнілі жылым будынкам. У другой палове XIX ст. ў залі палаца праходзілі шляхецкія сходы, балі і канцэрты.

Найноўшы час

У міжваенны пэрыяд у будынках разьмяшчаліся жыдоўская гімназія, майстэрні, абутковая фабрыка, гандлёвыя крамы, кватэры. У Другую сусьветную вайну ў частцы будынкаў палаца дзейнічаў тэатар віленскага гета.

Па вайне ў палацы некаторы час месьціўся дом культуры міліцыі. У 1972—1982 гадох галоўны будынак ансамбля прыстасавалі пад лялькавы тэатар «Леле» і Моладзевы тэатар.

Вонкавыя спасылкі

• Культурная спадчына Летувы(недаступная спасылка)  (лет.)
• Гісторыя палацу  (лет.)