Пакланеньне вешчуноў

Пакланеньне вешчуноў — эвангельскі сюжэт пра мудрацоў, якія прыйшлі з Усходу, каб пакланіцца немаўляці Ісусу і прынесьці Яму дары.

Дата сьвята

У Каталіцкай царкве пакланеньне вешчуноў адзначаецца ў дзень сьвята Богаяўленьня 6 студзеня. У некаторых краінах гэта сьвята называецца Сьвята Трох каралёў.

Дзеючыя асобы і атрыбуты

Вешчуны

Згодна з хрысьціянскай думкай, група выбітных замежнікаў, якія наведалі Ісуса пасьля ягонага нараджэньня.

Бэтлеемская зорка

Згодна з Эвангельлем паводле Матфэя, на небе была паказаная цудоўная зорка, якая прывяла да немаўля Ісуса біблейскіх вешчуноў, якія прынесьлі падарункі да Ісуса, як таму, хто ў будучыні будзе Юдэйскім царом.

Дары

Вешчуны прынеслі Ісусу дары: золата, ладан і міра.

Прынесеныя вешчунамі дары маюць сымбалічнае значэньне:

Золата — царскі дар, які паказвае, што Ісус быў Чалавекам, якія нарадзіўся, каб быць Царом;
Ладан — дар сьвятару, бо Ісус прыйшоў стаць новым Настаўнікам і сапраўдным Першасьятаром;
міра — дар таму, хто павінен памерці, бо міру ў Старажытным Ізраілі ўжывалі для бальзамаваньня цела памерлага.

Глядзіце таксама

Божае Нараджэньне

Вонкавыя спасылкі

Пакланеньне вешчуноў — сховішча мультымэдыйных матэрыялаў
Тры каралі — сховішча мультымэдыйных матэрыялаў