Новасакольніцкі раён

	Новасакольніцкі раён
	Новосокольнический район
	Герб
Агульныя зьвесткі
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Новасакольнікі
Дата ўтварэньня	1927
Насельніцтва (2009)	17 400
Плошча	1616 км²
Месцазнаходжаньне Новасакольніцкага раёну
Мэдыя-зьвесткі
Часавы пас	UTC +3
Код аўтам. нумароў	60
	Афіцыйны сайт
	Дадатковыя мультымэдыйныя матэрыялы

Новасакольніцкі раён — адміністрацыйна-тэрытарыяльная адзінка на поўдні Пскоўскай вобласьці Расеі. Адміністрацыйны цэнтар — места Новасакольнікі.

Геаграфія

Плошча раёну — 1616 км².

Асноўныя рэкі — Насва, Вялікі Удрай, Сьмердзель, Малы Удрай.

Гісторыя

Раён утвораны 24 ліпеня 1927 году.

Дэмаграфія

Насельніцтва раёну складае 17,4 тыс. чалавек, у тым ліку ў мескіх умовах жывуць каля 9 тыс. Усяго налічваецца 274 населеныя пункты.

Адміністрацыйна-тэрытарыяльны падзел

У складзе раёну маецца 1 мескае і 9 сельскіх паселішчаў:

Мескае паселішча

Новасакольніцкае мескае паселішча

Сельскія паселішчы

Транспарт

Праз раён праходзяць шляхі Санкт-Пецярбург-Віцебскага аддзяленьня Кастрычніцкай чыгункі (кірункаў Санкт-Пецярбург — Езярышча і Масква — Рыга), ёсьць Новасакольніцкая дыстанцыя службы шляху ПЧ-45.

Асноўнымі для перавозак аўтамабільным транспартам у раёне зьяўляюцца аўтамабільная дарога федэральнага значэньня М-9 «Балтыя» (Масква — Валакаламск — мяжа з Латвіяй) і аўтадарога суб'ектаў Расейскай Фэдэрацыі Р51 (Шымск — Старая Руса — Вялікія Лукі — Невель).

Турыстычная інфармацыя

Славутасьці

На тэрыторыі раёну маюцца два гістарычна-архітэктурныя помнікі рэспубліканскага значэньня. Гэта гарадзішча Востры (XIII—XIV стст.), разьмешчанае ў Вязаўскай воласьці, і драўляная царква Ўнебаўзяцьця Найсьвяцейшай Багародзіцы (XVIII—XIX стст.) у Востраўскай воласьці.

Да прыродна-ляндшафтавых помнікаў належаць Чырыкаўскі парк у Гаражанскай воласьці і ліпавая алея ў в. Мінкіна Новасакольніцкай воласьці, створаныя напачатку XIX ст.

Страчаная спадчына

У мястэчку Сакольнікі (цяпер вёска Старасакольнікі) існаваў мураваны касьцёл і кляштар францішканаў (1794), які па задушэньні нацыянальна-вызваленчага паўстаньня (1863—1864) быў гвалтоўна перароблены на праваслаўную царкву.

Вонкавыя спасылкі

Новасакольніцкі раён — сховішча мультымэдыйных матэрыялаў