Навукова-практычны цэнтар праблемаў умацаваньня законнасьці і правапарадку

Навукова-практычны цэнтар праблемаў умацаваньня законнасьці і правапарадку — дзяржаўная навуковая ўстанова Генэральнай пракураты Беларусі, заснаваная ў жніўні 2006 году.

Навукова-практычны цэнтар праблемаў умацаваньня законнасьці і правапарадку
Даведка
Скарот	НПЦ ПУЗП
Дата ўтварэньня	3 жніўня 2006 (18 гадоў таму)
Праўны стан	навуковая ўстанова
Задача	навуковая дзейнасьць
Сядзіба	вул. Захарава, д. 76
Месцазнаходжаньне	Менск
Дзейнічае ў месцах	Беларусь
Службовыя мовы	беларуская, расейская
Дырэктар	Ігар Мароз
Намесьнікі	Алег Русецкі, Васіль Марчук
Галоўная ўправа	Генэральная пракуратура Беларусі
Старонка ў сеціве	Старонка ў сеціве

Непасрэдна падпарадкоўвалася генэральнаму пракурору Беларусі. Мела задачай прымяненьне навукі пры барацььбе са злачынствамі і правапарушэньнямі.

Заснаваньне

Установа была заснаваная Ўказам прэзыдэнта Рэспублікі Беларусь 3 жніўня 2006 г. № 482 «Аб стварэньні дзяржаўнае установы» пад назвай Навукова-практычны цэнтар праблемаў умацаваньня законнасьці і правапарадку Генэральнай пракуратуры Рэспублікі Беларусь.

Навукова-практычны цэнтар стаў часткаю пракуратуры і непасрэдна быў падпарадкаваны генэральнаму пракурору Беларусі. На чале ўстановы стаў дырэктар. Ён мае двух намесьнікаў. Дырэктара садзіць на пасаду генэральны пракурор Беларусі. Намесьнікаў дырэктара прызначае генпракурор, але пасьля папярэдніх перамоваў з дырэктарам Установы. На працягу 10 гадоў узначальваў Установу вядомы вучоны – доктар юрыдычных навук, прафэсар, заслужаны юрыст Рэспублікі Беларусь Уладзімер Міхайлавіч Хоміч.

На работу ў Навукова-практычны цэнтр запрасілі прафэсыянальныя вучоныя, да іх прад'яўляюцца асаблівыя патрабаваньні. У асноўным гэта навукоўцы, якія ўнеслі ўклад у развіцьцё беларускай крымінальна-прававой навукі, умацаваньне законнасьці й правапарадку, а таксама вопытныя пракурорскія работнікі. Установа была разьмешчаная ў Менску каля Генэральнае пракуратуры. Знаходзіцца ў Менску па вуліцы Захарава, д. 76.

Работа

Асноўнымі напрамкамі дзейнасьці Ўстановы стала правядзеньне:

• крыміналягічных дасьледаваньняў для барацьбы са злачыннасьцю,
• распрацоўку навукова абгрунтаваных мер па папярэджаньні злачынстваў,
• умацаваньне законнасьці й правапарадку,
• павышэньне эфэктыўнасьці пракурорскага нагляду,
• удасканаленьне правапрымяняльнай дзейнасьці й заканадаўства,
• правядзеньне абавязковае крыміналягічнай экспэртызы праектаў законаў,
• укараненьне вынікаў навуковых дасьледаваньняў у практычную дзейнасьць.

Дзейнасьць НПЦ ПУЗП відаць у выданьні навуковых выданьняў (кнігаў, допісах у часопісах і інш.) Былі выдадзеныя мэтадычныя дапаможнікі па рабоце пракурораў. Былі прапановы ў заканадаўчае дзейнасьці ў вобласьці папярджаньня правапарушэньняў, барацьбы зь пьянствам і наркаманіяю. Установа заключыла некалькі дагавораў з устаноовамі па-за межамі Беларусі з наступнымі краінамі: Расея, Казахстан, Украіна, Ўзбэкістан.

Дзяржаўны камітэт па навуцы й тэхналёгіях Беларусі і Нацыянальная акадэмія Навук Беларусі далі пасьведчаньне (16.03.2018 № 199) НПЦ ПУЗП пасьля таго, як той акрэдытавалі ў якасьці навуковай установы

Управа

Управа Ўстановы складаецца з наступных ўраднікаў і ўрадаў:

• дырэктар
• навуковая рада
• рэдакцыйная рада
• рэдакцыйная калегія

Дырэктар

З пачатку заснаваньня Ўстановы 10 гадоў узначальваў доктар юрыдычных навук, прафэсар, заслужаны юрыст Рэспублікі Беларусь Уладзімер Міхайлавіч Хоміч.

З 4 студзеня 2017 г. дырэктарам дзяржаўнае ўстановы «Навукова-практычны цэнтр праблем умацаваньня законнасьці й правапарадку Генэральнае пракуратуры Рэспублікі Беларусь» прызначаны кандыдат юрыдычных навук, дацэнт Марчук Васіль Васільевіч.

Установа мае наступныя аддзелы:

Назва аддзелу	Імя начальніка	Званьне
мэтадалягічнага забесьпячэньня крыміналягічных экспэртыз	Касьянава Алена Васільеўна	—
крыміналягічнага маніторынгу заканадаўства і ўдасканаленьня правапрымяняльнай практыкі	Паляшчук Натальля Анатольеўна	—
крыміналягічных дасьледаваньняў	Буры Віталь Яўгенавіч	кандыдат юрыдычных навук, дацэнт
навукова-мэтадычнага забесьпячэньня пракурорскага нагляду	Нікіцін Юрый Аляксандравіч	кандыдат юрыдычных навук, дацэнт
распрацоўкі мер супрацьдзеяньня арганізаванае злачыннасьці й карупцыі	Кароціч Алена Аляксееўна	кандыдат юрыдычных навук, дацэнт
праблем умацаваньня законнасьці ў сфэры эканамічнае дзейнасьці	Гашнікава Тамара Уладзімераўна	кандыдат юрыдычных навук
арганізацыйна-фінансавага забесьпячэньня й кантролю правядзеньня крыміналягічных экспэртыз	Краўцоў Алег Эдуардавіч	—

Навуковая рада

Навуковая рада — калегіяльны ўрад кіраваньня па арганізацыі правядзеньня навукова-практычных дасьледаваньняў.

Асноўныя напрамкі дзейнасьці Навуковае рады:

• абмеркаваньне асноўных напрамкаў работы Ўстановы й вынікаў навуковых дасьледаваньняў, якія праводзяцца як самастойна, так і сумесна зь іншымі грамадамі;
• разгляд справаздач аб выкананьні навукова-дасьледчых работ;
• зацьвярджэньне праграм фундамэнтальных дасьледаваньняў;
• абмеркаваньне важных і значных прапаноў па ўдасканаленьні заканадаўства й правапрымяняльнае практыкі;
• рады на выданьне манаграфіяў і іншых найболей значных навукова-мэтадычных матэрыялаў, падрыхтаваных работнікамі Ўстановы, або разам зь іншымі грамадамі.

Вучоная рада ўтвараецца ў наступным складзе:

• дырэктар (старшыня Навуковае рады),
• намесьнікі дырэктара,
• памочнік дырэктара (вучоны сакратар Навуковае рады),
• кіраўнікі структурных аддзелаў Установы.

У склад Навуковае рады могуць уваходзіць іншыя работнікі Ўстановы, а таксама навукоўцы, якія робяць у іншых грамадах, пракурорскія работнікі, работнікі іншых праваахоўных урадаў.

Дзейны склад Навуковае рады зацьверджаны загадам Генэральнага пракурата Рэспублікі Беларусь 25 лістапада 2020 году.

Рэдакцыйная рада

Асабовы склад рэдакцыйнае рады Ўстановы (па стане на 1 студзеня 2022 году):

• Швед Андрэй Іванавіч - Генеральны пракурор Рэспублікі Беларусь, кандыдат юрыдычных навук, дацэнт (старшыня рэдакцыйнага савета);
• Хоміч Уладзімер Міхайлавіч - загадчык інфармацыйна-метадычнага кабінета ДУ "Навукова-практычны цэнтр праблем умацавання законнасці і правапарадку Генеральнай пракуратуры Рэспублікі Беларусь", доктар юрыдычных навук, прафесар, заслужаны юрыст Рэспублікі Беларусь (намесьнік старшыні рэдакцыйнае рады);
• Бабій Мікалай Аляксеевіч - вядучы навуковы супрацоўнік аддзела даследаванняў у галіне праваахоўнай дзейнасьці і ажыцьцяўленьня правасуддзьдзя Інстытута прававых дасьледаваньняў Нацыянальнага цэнтра заканадаўства і прававых дасьледаваньняў Рэспублікі Беларусь, кандыдат юрыдычных навук, дацэнт;
• Бібіла Валянціна Мікалаеўна – прафэсар катэдры крымінальнага працэсу і пракурорскага нагляду юрыдычнага факультэта Беларускага дзяржаўнага ўнівэрсытэта, доктар юрыдычных навук, прафэсар;
• Гучок Аляксандар Яўгенавіч - Старшыня Вышэйшае атэстацыйнай камісыі Рэспублікі Беларусь, доктар юрыдычных навук, дацэнт;
• Казачэнка Іван Якаўлевіч – загадчык катэдры крымінальнага права Ўральскага дзяржаўнага юрыдычнага ўнівэрсытэта, доктар юрыдычных навук, прафэсар, заслужаны дзеяч навукі Расейскае Фэдэрацыі;
• Лосеў Уладзімер Уладзімеравіч – рэктар УА ФПБ “Міжнародны ўнівэрсытэт “МІПСА”, кандыдат юрыдычных навук, дацэнт;
• Марціновіч Ізабэла Іванаўна – доктар юрыдычных навук, прафэсар, заслужаны юрыст Рэспублікі Беларусь;
• Мартыненка Ігар Эдуардавіч – загадчык катэдры грамадзянскага права і працэсу Гарадзенскага дзяржаўнага ўнівэрсытэта імя Янкі Купалы, доктар юрыдычных навук, прафэсар;
• Наўроцкі Вячаслаў Аляксандравіч - прафэсар катэдры тэорыі права і правоў чалавека Ўкраінскага каталіцкага ўнівэрсытэта, доктар юрыдычных навук, прафэсар, член-карэспандэнт Нацыянальнае акадэміі прававых навук Украіны;
• Функ Ян Ёсіфавіч - Старшыня Міжнароднага арбітражнага (трацейскага) суда пры Беларускай гандлёва-прамысловай палаце, доктар юрыдычных навук, прафэсар;
• Шастакоў Дзьмітры Анатольевіч - прэзыдэнт Санкт-Пецярбурскага міжнароднага крыміналягічнага клюба, доктар юрыдычных навук, прафэсар, заслужаны дзеяч навукі Расейскае Фэдэрацыі;
• Эсмантовіч Ірына Ігараўна – дэкан юрыдычнага факультэта Гомельскага дзяржаўнага ўнівэрсытэта імя Ф. Скарыны, кандыдат гістарычных навук, дацэнт.

Рэдакцыйная калегія

Для спраўленьня выданьня навуковых работ Установа мае сваю рэдакцыйную калегію. Асабовы склад рэдакцыйнае калегіі Ўстановы:

• Марчук Васіль Васільевіч - дырэктар ДУ "Навукова-практычны цэнтр праблем умацаваньня законнасьці і правапарадку Генэральнае пракуратуры Рэспублікі Беларусь", кандыдат юрыдычных навук, дацэнт (галоўны рэдактар);
• Салтановіч Андрэй Уладзімеравіч - намесьнік дырэктара ДУ "Навукова-практычны цэнтр праблем умацаваньня законнасьці й правапарадку Генэральнае пракуратуры Рэспублікі Беларусь", кандыдат юрыдычных навук, дацэнт;
• Русецкі Алег Валер'евіч - намесьнік дырэктара ДУ "Навукова-практычны цэнтр праблем умацаваньня законнасьці й правапарадку Генэральнае пракуратуры Рэспублікі Беларусь", кандыдат юрыдычных навук;
• Вінакураў Аляксандар Юр'евіч - галоўны навуковы супрацоўнік аддзела навуковага забеспячэньня арганізацыі пракурорскай дзейнасьці Навукова-дасьледчага інстытута Унівэрсытэта пракуратуры Расейскае Фэдэрацыі, доктар юрыдычных навук, прафэсар, ганаровы работнік пракуратуры Расейскае Фэдэрацыі;
• Кароціч Алена Аляксееўна - начальнік аддзела распрацоўкі мер супрацьдзеяньня арганізаванае злачыннасьці і карупцыі ДУ "Навукова-практычны цэнтр праблем умацаваньня законнасьці й правапарадку Генэральнае пракуратуры Рэспублікі Беларусь", кандыдат юрыдычных навук, дацэнт (навуковы рэдактар);
• Сідарэнка Дар'я Алегаўна - вядучы спэцыяліст аддзела крыміналягічнага маніторынгу заканадаўства і ўдасканаленьня правапрымяняльнае практыкі ДУ "Навукова-практычны цэнтр праблем умацаваньня законнасьці й правапарадку Генэральнае пракуратуры Рэспублікі Беларусь" (тэхнічны рэдактар);
• Хоміч Уладзімер Міхайлавіч - загадчык інфармацыйна-мэтадычнага кабінэта ДУ "Навукова-практычны цэнтр праблем умацаваньня законнасьці й правапарадку Генэральнае пракуратуры Рэспублікі Беларусь", доктар юрыдычных навук, прафэсар, заслужаны юрыст Рэспублікі Беларусь.