Міхаіл Ерамец

Міхаі́л Іва́навіч Ераме́ц (3 студзеня 1949, Пінская вобласьць, БССР — 16 лістапада 2024, Майнц, Нямеччына) - беларускі экспэрымэнтальны фізык у галіне высокіх ціскаў, хіміі і матэрыялазнаўства.

Міхаіл Ерамец
Дата нараджэньня	3 студзеня 1949(1949-01-03)
Месца нараджэньня	Беларусь
Дата сьмерці	16 лістапада 2024(2024-11-16) (75 гадоў)
Месца сьмерці	Майнц, Нямеччына
Месца вучобы	факультэт экспэрымэнтальнай і тэарэтычнай фізыкі МІФІ[d] (1973) Інстытут агульнай фізыкі РАН[d] (1978)
Занятак	фізык
Навуковая сфэра	фізыка
Месца працы	Інстытут Макса Плянка па хіміі[d] Інстытут Карнэгі па навуцы[d] Інстытут фізыкі высокіх ціскаў[d] НІДНМ[d] Осацкі ўнівэрсытэт[d] Інстытут фізыкі цьвёрдага стану[d]
Сябра ў	Міжнародная асацыяцыя прасунутых матэрыялаў[d]
Узнагароды	Дзясятка „Nature“[d] (2015) Тысяча талентаў[d] Прэмія Джэймза Макгрудзі за дасьледаваньні новых матэрыялаў[d] (2020) ганаровы доктар Ляйпцыскага ўнівэрсытэту[d] (2016) прэмія Брыджмэна[d] (2017) прэмія Бэрнда Тэадора Матыяса[d] (2022)

Жыцьцяпіс

Скончыў Пінскую сярэднюю школу №3 (1966), Маскоўскі інжынэрна-фізычны інстытут. У 1978 року атрымаў доктарскую ступень у маскоўскім Інстытуце агульнай фізыкі Акадэміі навук СССР.

Працаваў у Інстытуце фізыкі высокіх ціскаў АН СССР (Траецк), займаў пасаду кіраўніка аддзелу фізыкі высокіх ціскаў. Пасьля развалу СССР працаваў ва Ўнівэрсытэце П’ера і Марыі Кюры (Францыя), Нацыянальным інстытуце матэрыялазнаўства і Осацкім унівэрсытэце (Японія), геафізычнай лябараторыі Інстытуту Карнэгі (ЗША), Кларэнданавай лябараторыі Оксфардзкага ўнівэрсытэту (Вялікабрытанія).

З 2001 року працаваў у Хімічным інстытуце Макса Плянка ў Майнцы (Нямеччына). Працаваў у галіне высокатэмпэратурнай звышправоднасьці мэталавадародных і вадароднабагатых злучэньняў. Ягоная каманда адкрыла эфэкт звышправоднасьці пад высокім ціскам у гідрыдзе лянтану пры рэкордна высокай тэмпэратуры 250 K (-23 °C).

Вонкавыя спасылкі

• Рэзюмэ Міхаіла Ерамца // Таварыства Макса Плянка
• Фільм Хімічнага інстытуту Макса Плянка пра Міхаіла Ерамца на YouTube