Мікола Цэлеш
Міко́ла Яфі́мавіч Цэ́леш (Целеш; 25 ліпеня 1900[1][2], в. Заазер’е, Барысаўскі павет, Расейская імпэрыя — пасьля 1976) — беларускі пісьменьнік. Псэўданімы: Марцін Люціч, М.Люціч, М.Лясун; крыптанім: М. Ц..
| Мікола Цэлеш | |
| Асабістыя зьвесткі | |
|---|---|
| Псэўданімы | Марцін Люціч, М.Люціч, М.Лясун |
| Нарадзіўся | 25 ліпеня 1900 Заазер’е, Барысаўскі павет
|
| Памёр | пасьля 1976 ЗША
|
| Літаратурная дзейнасьць | |
| Род дзейнасьці | пісьменьнік |
| Мова | беларуская |
| Дэбют | «Па воўчых сьцежках» (1929) |
| Творы на сайце Knihi.com | |
Жыцьцяпіс рэдагаваць
Нарадзіўся ў в. Заазер’е Барысаўскага павету (цяпер Машчаніцкі сельсавет Бялыніцкага раёну). Скончыў вясковую школу (1911), навучаўся ў Бялыніцкай найвышэйшай пачатковай вучэльні, скончыць якую перашкодзіла Першая сусьветная вайна. У 1916 зьехаў у Варонеж, пасьля працаваў на Данбасе. Пасьля акупацыі Данбасу Дзянікіным у 1919 року пайшоў дабраахвотнікам у Чырвоную армію. Дэмабілізаваны ў 1922.
Прыехаў у Менск, працаваў у рэдакцыі часопісу «Паляўнічы Беларусі», іншых дзяржаўных установах.
Падчас нямецкай акупацыі працаваў у «Беларускай газэце». З чэрвеня 1944 на эміграцыі ў Нямеччыне, з канца 1940-х у ЗША (Нью-Ёрк).
Зьнік бязь вестак у 1976 року. Датай сьмерці лічыцца 1978 рок[2][3].
Творчасьць рэдагаваць
Друкавацца пачаў у часопісе «Паляўнічы Беларусі» з 1929 року (першае апавяданьне — «Па воўчых сьцежках»). Супрацоўнічаў з часопісамі «Полымя рэвалюцыі», «Маладняк», «Работніца і калгасьніца Беларусі», газэтамі «Літаратура і мастацтва» й іншымі. У БССР выдаў кнігі прозы «Апавяданьні паляўнічага» (1931), «Са стрэльбай і сабакам» (1932), «Курылка» (1935, перавыдадзеная ў 1938), а таксама зборнікі дзіцячых апавяданьняў «Буська» (1930, перавыдадзеная ў 1939) і «Знаходка» (1939). У 1943 року выйшаў зборнік апавяданьняў «На крыжы».
На эміграцыі друкаваўся ў газэтах «Бацькаўшчына», «Беларус», альманаху твораў беларускіх літаратараў «Ля чужых берагоў». У Нью-Ёрку выйшлі «Дзесяць апавяданьняў» (1965) і «Хмары над Бацькаўшчынай» (1996, пасьмяротна). Займаўся перакладамі на беларускую з вугорскай і ідышу[1] апавяданьняў вугорскіх і жыдоўскіх пісьменьнікаў.
Сям’я рэдагаваць
Меў жонку Чэславу[4] (у ЗША — Кэрал Цэлеш; анг. Carol Celesh, 1920—2006[5]), зь якой ажаніўся яшчэ ў СССР, і двух дачок[6].
Крыніцы рэдагаваць
- ^ а б Арлоў, Уладзімер (25 ліпеня 2006) Імёны Свабоды: Мікола Цэлеш (25.7.1900, в. Зазер’е, Барысаўшчына — ?) Імёны Свабоды. Радыё «Свабода». Праверана 17 жніўня 2017 г.
- ^ а б Social Security Death Master File (Social Security Death Index) (анг.) — Social Security number 122-26-8114 was issued to MIKOLAI CELESZ, who was born 25 July 1900 and, Death Master File says, died February 1978.. Праверана 17 жніўня 2017 г.
- ^ Mikolai Celesz In U.S. Social Security Death Index (SSDI) (анг.) MyHeritage Праверана 17 жніўня 2017 г.
- ^ Carol (Czeslawa) Celesz In U.S. Naturalization Records (анг.) MyHeritage Праверана 17 жніўня 2017 г.
- ^ Social Security Death Master File (Social Security Death Index) (анг.) — Social Security number 122-26-8135 was issued to CAROL CELESH, who was born 25 December 1920 and, Death Master File says, died 30 September 2006.. Праверана 17 жніўня 2017 г.
- ^ Obituary for: Carol Celesh (анг.) Life Legacy. Memorial Networks™. Праверана 17 жніўня 2017 г.
Літаратура рэдагаваць
- А. Пашкевич. Летописец из Зазерья: судьба и творчество М. Целеша // Нёман : часопіс. — 2001. — № 4. — С. 221—232.
- Мікола Яфімавіч Цэлеш // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1995. — Т. 6. Таталаў — Яфімаў. Дадатак. — 684с.;іл. с. — ISBN 985-11-0022-6
- Юры Туронак. Беларуская кніга пад нямецкім кантролем (1939—1944). — Менск: Беларускі Гістарычны Агляд, 2002. — 144 с. — (Бібліятэка часопіса «Беларускі Гістарычны Агляд»). — 300 ас.
Вонкавыя спасылкі рэдагаваць
- Жыцьцяпіс(недаступная спасылка)