Мікола Прускі
Мікола Прускі (1 студзеня 1928, Мікалаеўшчына, цяпер Стаўбцоўскі раён — 22 студзеня 2014, Дэтройт) — дзеяч беларускай эміграцыі ў Злучаных Штатах Амерыкі, выдавец, рэдактар, грамадзкі і культурны дзеяч.
Мікола Прускі | |
| Род дзейнасьці | выдавец, рэдактар |
|---|---|
| Дата нараджэньня | 1 студзеня 1928 |
| Месца нараджэньня | Мікалаеўшчына |
| Дата сьмерці | 22 студзеня 2014 |
| Месца сьмерці | Дэтройт |
| Занятак | выдавец |
| Сябра ў | Беларуска-амэрыканскае задзіночаньне |
| Бацька | Юрый Прускі[d] |
| Маці | Міхаліна Яўхімаўна Міцкевіч[d] |
Жыцьцяпіс
рэдагавацьНарадзіўся на Стаўбцоўшчыне, яго маці Міхаліна была стрыечнай сястрой Якуба Коласа. У 1944 годзе зьехаў зь Беларусі. Быў актывістам Беларуска-амэрыканскага рэспубліканскага клюбу ў Дэтройце (1960—1970-я), сябра БАЗА. На пачатку 1950-х у Гранд-Рэпідзе (штат Мічыган) заснаваў беларускае выдавецтва, выдаў дзясяткі беларускіх кніг, у тым ліку разам з БІНіМам; рэдагаваў часопіс «Беларускі сьвет», штомесячную газэту беларускага замежжа «Беларускі дайджэст» (з 1993). Пасьля абвешчаньня незалежнасьці Рэспублікі Беларусь быў ініцыятарам пасыланьня кантэйнэраў гуманітарнай і мэдыцынскай дапамогі ахвярам чарнобыльскай катастрофы[1].
Сям’я: жонка ― Вера Младзяноўская, дзьве дачкі.
Крыніцы
рэдагаваць- ^ Памёр дзеяч эміграцыі Мікола Прускі, Наша ніва, 2014, 24.01
Вонкавыя спасылкі
рэдагаваць- Беларускі пэрыядычны друк у ЗША: страты і набыткі Радыё Свабода
- Віктар Швед. Амэрыканскія беларусы Наша ніва № 11 (2392), 17 сакавіка 2002