Мікола Дварэцкі

Мікола Дварэцкі (пс. Мікола Базылюк; 6 верасьня 1903, Іказьнь, Браслаўшчына — 15 жніўня 1988, Румія) — беларускі паэт і рэлігійны дзяяч.

Біяграфія

Быў сябрам праваслаўнай фракцыі Беларускай Хрысьціянскай Дэмакратыі. Супрацоўнічаў зь Беларускім інстытутам гаспадаркі і культуры. У 1928 годзе арыштоўваўся польскімі ўладамі.

У 1939—1941 гадах настаўнік у Мёрах. У 1942 годзе вывезены немцамі на прымусовыя працы ў Прусію.

Пасьля вайны жыў у Польшчы, на Узьбярэжжы. З 1956 году друкаваў вершы і карэспандэнцыі ў беластоцкай «Ніве». Пахаваны ў Лембарку.