Мікалай Лявон Сапега
Мікалай Лявон Сапега (1644 — 1 лютага або 10 чэрвеня 1685) — дзяржаўны і вайсковы дзяяч Вялікага Княства Літоўскага. Кашталян валынскі (1677—1683), ваявода брацлаўскі (з 1683), староста оўруцкі[1].
.jpg) | |
 Герб «Ліс» | |
| Асабістыя зьвесткі | |
|---|---|
| Нарадзіўся | 1644 |
| Памёр | 1685 |
| Пахаваны | |
| Род | Сапегі |
| Бацькі | Ян Фрыдэрык Сапега Канстанцыя з Гербутаў |
| Дзейнасьць | вайсковец |
Біяграфія Рэдагаваць
З коданскай лініі магнацкага роду Сапегаў гербу «Ліс», сын Яна Фрыдэрыка і Канстанцыі з Гербутаў. Меў братоў Паўла Францішка і Казімера Ўладзіслава.
У 1664 па сьмерці бацькі атрымаў казацкую харугву. Браў удзел у няўдалай для Каралеўства Польскага бітве пад Брагілавам (сьнежань 1666), дзе ягоны аддзел панёс значныя страты.
З уласнай харугвай удзельнічаў у Хоцінскай бітве. У часе кампаніі 1676 року ачоліў панцырную харугву. Браў удзел у бітве пад Венай (1683).
У 1667 абіраўся паслом на сойм. Не цікавіўся палітычнымі пытаньнямі, захоўваў верасьць каралю і вялікаму князю Яну Сабескаму.
Ажаніўся з Ганнай Харленскай (шлюб у 1678), зь якой меў сыноў Адама і Яна, дачку Яну. Пахавалі М. Л. Сапегу ў касьцёле Сьв. Ганны ў Кодні[2].
Крыніцы Рэдагаваць
- ^ M.J. Minakowski, Ci wielcy Polacy to nasza rodzina, wyd. 3, Dr Minakowski Publikacje Elektroniczne, Kraków 2008, ISBN 83-918058-5-9 (пол.)
- ^ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 198. (пол.)
Літаратура Рэдагаваць
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0