Мікола Аляхновіч (паэт)
Мікалай Аляхновіч (14 студзеня 1953, в. Валішча, Пінскі раён — 6 чэрвеня 2022[1], Берасьце) — беларускі літаратар, лінгвіст, кандыдат філялягічных навук, дацэнт.
| Мікола Аляхновіч | |
| Асабістыя зьвесткі | |
|---|---|
| Нарадзіўся | 14 студзеня 1953 |
| Памёр | 6 чэрвеня 2022 (69 гадоў) |
| Літаратурная дзейнасьць | |
| Род дзейнасьці | мовазнавец, прафэсар унівэрсытэту, перакладнік, паэт |
| Мова | беларуская мова і расейская мова |
| Узнагароды | |
Жыцьцяпіс
рэдагавацьСкончыў філялягічны факультэт Брэсцкага дзяржаўнага пэдагагічнага інстытуту ў 1974 годзе. Пасьля атрыманьня дыплёму па разьмеркаваньні пачаў працаваць на пасадзе асыстэнта катэдры беларускай мовы. З восені 1974 па восень 1975 году служыў у войску, пасьля службы прадоўжыў працу ў інстытуце. У 1977 годзе абраны на пасаду старшага выкладчыка; з наступнага году паступіў у асьпірантуру пры катэдры беларускага мовазнаўства Менскага дзяржаўнага пэдагагічнага інстытуту імя М. Горкага.
У 1983 годзе абараніў кандыдацкую дысэртацыю «Фразеалёгія беларускай літаратурнай мовы ХІХ — пачатку ХХ стст.» (навуковы кіраўнік — прафэсар Фёдар Янкоўскі). Кандыдат філялягічных навук (спэцыяльнасьць — «Беларуская мова»), з 26 сакавіка 1986 году — дацэнт.
Працаваў намесьнікам дэкану, а з 1987 па 1993 гады — дэканам філялягічнага факультэту Берасьцейскага пэдінстытутц. У 1993—1995 гадах працаваў на катэдры ўсходнеславянскай і балтыйскай філялёгіі факультэту гуманітарных навук Будапэшцкага ўнівэрсытэту імя Лоранда Этвеша (Вугоршчына). За гэты час ён надрукаваў у Вугошчыне шэраг артыкулаў, схіліў беларускіх літаратараў да публікацыі сваіх работ у Вугоршчыне.
З дапамогай калег і студэнтаў пераклаў вугорскіх паэтаў (Эндрэ Адзі, Атыла Іожэф, Дэжа Косталані, Арпад Тот, Лёрынц Саба, Міклаш Раднаці і інш.). Зьяўляецца аўтарам артыкула аб сучаснай беларускай мове ў вугорскую энцыкляпэдыі «Мовы сьвету», заснаванай прафэсарам Іштваном Фодарам.
Зь ліпеня 2013 году — дацэнт на катэдры беларускага мовазнаўства і дыялекталёгіі БрДУ імя Пушкіна. Аўтар каля 100 навуковых прац, у тым ліку 6 слоўнікаў і вучэбных дапаможнікаў.
Да 2021 году ўзначальваў абласную філію Саюза беларускіх пісьменьнікаў у Берасьці.
Творчасьць
рэдагаваць- 2006 — «Жыццёвае веры прадзіва», паэтычны зборнік
- 2010 — «Святло дарогі», паэтычны зборнік
- 2013 — «Такая тонкая размовы ніць», кніга перакладаў
Крыніцы
рэдагаваць- ^ Памёр паэт і выкладчык Мікалай Аляхновіч, Наша Ніва, 7-06-2022
Літаратура
рэдагаваць- Павел Міхайлаў. Наталля Цяслюк. «Святое ў слове бараню…». Да 70-годдзя з дня нараджэння Мікалая Аляхновіча. // Роднае слова (часопіс) : часопіс. — 2023. — № 1. — С. 61—62.
Вонкавыя спасылкі
рэдагаваць- Біяграфія Архівавана 22 кастрычніка 2021. на сайце Саюзу беларускіх пісьменьнікаў
- 14 студзеня 2013 г. — 60 гадоў з дня нараджэння Мікалая Мікалаевіча Аляхновіча (1953), паэта, сайт Краязнаўства Берасьцейшчыны