Мэц (футбольны клюб)

францускі футбольны клюб

«Мэц» (па-француску: Metz) — францускі футбольны клюб з гораду Мэц. Двухразовы ўладальнік Кубка Францыі (1984, 1988). Клюб быў утвораны ў 1932 годзе і вялікую частку сваёй гісторыі правёў у Лізе 1, аднак пэрыяд паміж 2008 і 2014 гадамі правёў у Лізе 2. У красавіку 2014 году «Мэц» забясьпечыў сабе месца ў Лізе 1 на наступны сэзон, перамогшы «Асэр». Свае хатнія матчы каманда праводзіць на муніцыпальным стадыёне «Сэн-Сымфарыен», які месьціцца ў межах гораду.

Мэц
FC Metz.svg
Поўная назва Football Club de Metz
Заснаваны 1932
Горад Мэц, Францыя
Стадыён Сэн-Сымфарыен
Умяшчальнасьць: 26 700
Галоўны трэнэр Вэнсан Аньён
Чэмпіянат Ліга 2
 · 2017—2018 Ліга 1, 20 месца (паніжэньне)
Афіцыйны сайт

ГісторыяРэдагаваць

Футбольны клюб «Мэц» быў заснаваны ў 1932 годзе ў выніку аб’яднаньня двух аматарскіх спартовых клюбаў і неўзабаве пасьля гэтага набыў прафэсійны статус. Ён зьяўляецца адным з найстарэйшых прафэсійных футбольных камандаў у Францыі. Карані клюбу сыходзяць яшчэ далей, у іншы клюб «Мэц» (ням. SpVgg Metz), які быў утвораны ў 1905 годзе, калі горад уваходзіў у склад Нямецкай імпэрыі. Той «Мэц» гуляў у Вэсткрайс-Лізе да сэзону 1913—1914 гадоў, калі за пачатку Першай сусьветнай вайны ўсе матчы былі спынены. Некаторыя гульцы гэтага клюбу былі часткай клюбу «Мэсын» у 1919 годзе, які ў 1932 годзе стаў часткай аб’яднанай каманды «Мэц». «Мэсын» быў вядучым клюбам Лятаранскага дывізіёну, атрымаўшы чэмпіёнскія тытулы ў 1920, 1921, 1922, 1924, 1926, 1927, 1929 і 1931 гадах[1].

Клюб «Мэц» пачаў выступы ў францускім другім дывізіёне ў паўночнай зоне ў 1933 годзе. Стаўшы чэмпіёнам гэтай лігі ў 1935 годзе, клюб зарабіў прасоўваньне ў Лігу 1 у першы раз у гісторыі. Каманда стала клюбам сярэдзіны табліцы францускага чэмпіянату і знаходзілася ў гэтым статусе да пачатку Другой сусьветнай вайны. Падчас вайны дэпартамэнт Мозэль, у якім знаходзіцца горад Мэц, быў анэксаваны Нямеччынай. Клюб зьмяніў назоў на нямецкі варыянт FV Metz і пачаў выступы ў нямецкай Гаўлізе Вэстмарк. У трох завершаных сэзонах гэтай лігі з 1941 па 1944 гады клюб кожны год займаў выніковае другое месца[2].

Не зважаючы на тое, што горад быўшы адбіты войскам хаўрусьнікаў увосень 1944 году, клюб ня браў удзелу ў францускім чэмпіянаце сэзону 1944—1945 гадоў, але вярнуўся да ўдзелу ў Лізе 1 на сэзон 1945—1946 гадоў. Сэзон для клюбу выйшаў няўдалым, бо каманда заняла 17-ы радок з 18 клюбаў, аднак, пашырэньне лігі да 20 клюбаў дало магчымасьць застацца «Мэцу» ў найвышэйшым дывізіёне да 1950 году, калі каманда заняла апошняе месца.

СкладРэдагаваць

Актуальны на 5 траўня 2020 году
Пазыцыя Імя Год нараджэньня
1   Бр Поль Дэлекруа 1988
2   Аб Дылян Брон 1995
3   Аб Мат’ё Юдоль 1996
4   ПА Кевін Н’Дарам (ар. Манака) 1996
5   ПА Віктар’ен Ангбан 1996
6   Аб Мамаду Фафана 1998
7   Нап Ібраіма Ньян 1999
8   ПА Бубакар Траарэ 2001
9   Нап Т’еры Амброз (ар. Ман. Сіці) 1997
10   ПА Марвэн Гакпа 1993
11   Нап Апа Нгет 1994
16   Бр Аляксандар Укіджа 1988
17   Аб Тама Дэлен 1992
Пазыцыя Імя Год нараджэньня
18   Аб Фаб’ен Сэнтонс 1996
19   ПА Абіб Майга 1996
20   Нап Абіб Дыяльлё 1995
21   Аб Джон Бой 1987
22   ПА Самі Лясаіні 1998
24   ПА Рэно Каад (капітан) 1984
25   ПА Адама Траарэ (ар. Манака) 1995
26   Нап Пап Ндыяга Яд 2000
27   Нап Фарыд Буляя 1993
28   Аб Манюэль Кабі 1993
30   Бр Гіём Дытш 2001
  ПА Вэнсан Пажо (ар. Анжэ) 1990

КрыніцыРэдагаваць

Вонкавыя спасылкіРэдагаваць

  Мэц (футбольны клюб)сховішча мультымэдыйных матэрыялаў