Музэй сучаснага мастацтва Рэспублікі Сэрбскай

Музэй сучаснага мастацтва Рэспублікі Сэрбскай (па-сэрбску: Музеј савремене умјетности Републике Српске) — мастацкая галерэя, галоўная музэйная ўстанова сучаснага мастацтва Рэспублікі Сэрбскай. Працуе з 2004 году ў горадзе Баня Лука, Босьнія і Герцагавіна, у будынку былога чыгуначнага вакзалу на плошчы Сэрбскіх герояў. Музэй прысьвечаны захаваньню культурнай спадчыны Рэспублікі Сэрбскай XX і XXI стагодзьдзяў, ажыцьцяўляе мастацкія выставы прац сучаснага мастацтва.

Музэй сучаснага мастацтва Рэспублікі Сэрбскай
Музеј савремене умјетности Републике Српске
Месцазнаходжаньне	Баня Лука, Босьнія і Герцагавіна
Адрас	Баня Лука, пл. Српских юнака 2
Створаны	1971 г.
Адкрыты	1971
Геаграфічныя каардынаты	44°46′20″ пн. ш. 17°11′23″ у. д.
Музэй сучаснага мастацтва Рэспублікі Сэрбскай на мапе Босьніі і Герцагавіны Музэй сучаснага мастацтва Рэспублікі Сэрбскай
msurs.net/index.p… (анг.)

Гісторыя зьяўленьня

Пачатак музэю паклаў моцны землятрус, які адбыўся ў 1969 годзе і прывёў да пашкоджаньня большасьці будынкаў Баня Лукі. Тады было вырашана правесьці дабрачынны аўкцыён з ахвяраваных мастакамі твораў мастацтва, а атрыманыя сродкі скіраваць на аднаўленьне гораду. Акцыя была пасьпяховай, у ёй узялі ўдзел многія сучасныя мастакі і мастацтвазнаўцы не толькі Югаславіі, але і замежжа — калекцыя сабрала больш 600 прац з усяго сьвету.

У выніку аўкцыён так і не адбыўся, бо фінансаваньне аднаўленчых прац у дастатковай меры ажыцьцяўлялася з іншых крыніц. Калекцыя, як знак салідарнасьці мастакоў усяго сьвету з пацярпелым горадам, была захавана, а ў 1971 годзе адмыслова для яе ў цэнтры гораду заснавалі мастацкую галерэю, у будынку былога чыгуначнага вакзалу на плошчы Сэрбскіх герояў. У 2004 годзе галерэю пераназвалі ў Музэй сучаснага мастацтва Рэспублікі Сэрбскай. З дня заснаваньня ўваход у музэй — бясплатны.

Калекцыя

Калекцыя музэю налічвае больш за 1600 твораў мастацтва — жывапісу, скульптуры, графікі, інсталяцый і твораў мэдыя-мастацтва, пераважна другой паловы ХХ стагодзьдзя.

Вонкавыя спасылкі

• Музэй сучаснага мастацтва Рэспублікі Сэрбскай Архівавана 20 траўня 2017.
• Агенција за информационо друштво Републике Српске: Музеј савремене умјетности Републике Српске  (сэрб.)
• Радио-телевизија Републике Српске: 41. рођендан Музеја савремене умјетности Републике Српске, 8. 2. 2012.  (сэрб.)
• Радио-телевизија Републике Српске: Осам година Музеја савремене умјетности Републике Српске, 10. 2. 2012.  (сэрб.)