Ліст 42-х

зварот расейскіх пісьменьнікаў да прэзыдэнта Ельцына

«Ліст сарака двух» — адкрыты зварот расейскіх пісьменьнікаў да суграмадзянаў з патрабаваньнямі да ўраду і прэзыдэнта Расеі Барыса Ельцына, абнародаваны ў газэце «Известия» 5 кастрычніка 1993 году.

Ліст 42-х
адкрыты ліст
НазваПисьмо́ сорока́ двух Рэдагаваць
АдрасатУрад Расейскай Фэдэрацыі, Барыс Ельцын Рэдагаваць
Дата5 кастрычніка 1993 Рэдагаваць
Дата публікацыі5 кастрычніка 1993 Рэдагаваць
Апублікаванае ўИзвестия Рэдагаваць

Сярод аўтараў звароту былі Юры Давыдаў і Рыма Казакова, Анатоль Прыстаўкін і Леў Разгон, а таксама Марыэта Чудакова, якіх папярэдне 15 верасьня запрашалі на сустрэчу зь Ельцыным. Пісьменьнікі ўхвалілі расстрэл Белага дома 3—4 кастрычніка Расейскай арміяй, які прадухіліў грамадзянскую вайну. Таксама яны заклікалі забараніць усе віды камуністычных аб'яднаньняў за заклікі да гвалту, прыпыніць да судовага разбору выпуск 4-х газэтаў і тэлепраграмы «600 сэкундаў», якія распальвалі нянавісьць, і прызнаць незаконнымі Вярхоўны Савет Расеі і ўтвораны ім Канстытуцыйны суд Расеі.

Сярод падпісантаў ліста таксама былі акадэмік Дзьмітры Ліхачоў і паэт Булат Акуджава, пісьменьнікі Рыгор Бакланаў і Даніл Гранін. Урэшце, ліст падпісалі народны пісьменьнік Беларусі Васіль Быкаў і беларускі пісьменьнік Алесь Адамовіч.

Крыніцы рэдагаваць

Вонкавыя спасылкі рэдагаваць