Лёвендаальдэр

Лёвендаальдэр (фляманд. Leeuwen Daalder — ільвіны талер)

Ільвіны талер 1585 году

Талер Галяндзкай рэспублікі ўпершыню выбіты ў 1575 годзе. Сыстэматычнае біцьцё распачалося напачатку 1580-х, пасьля аб’яднаньня 7 паўночнанідэрляндзкіх правінцыяў у Рэспубліку злучаных правінцыяў. Эмісія вялася таксама асобнымі гарадамі (Нэймэген, Зютфэн, Зволэ).

На аверсе — рыцар павернуты ўлева, а галава ўправа, абапіраецца на шчыт. На шчыце выява ільва, які ідзе на задніх лапах улева.

На рэвэрсе — вялікая выява такога самага ільва, як і на шчыце аверса.

На землях ВКЛ упершыню пісьмова завіксаваны ў 1578 годзе. Найчасьцей у скарбах на Беларусі сустракаюцца таляры выбітыя ў 1640-х гадох.

Лёвендаальдэр — на землях ВКЛ і Польшчы меў таксама назву Лявок

На ўсходзе Лёвендаальдэр называлі «абукельбам» (араб. «бацька сабакі»‎), бо выява Ільва прыймалася тамака за сабаку.

Глядзіце таксамаРэдагаваць

Вонкавыя спасылкіРэдагаваць