Лясныя могілкі (Талін)

Лясны́я мо́гілкі (па-эстонску: Metsakalmistu) — могілкі ў Таліне (Эстонія), дзе пахаваныя пісьменьнікі, мастакі, скульптары, архітэктары і палітычныя дзеячы краіны. Знаходзяцца ў Клоастрымэтса (Kloostrimetsa tee 36). Агульная плошча 48,3 га.

Месца пахаваньня ахвяраў Галакосту

Мінуўшчына

Лясныя могілкі былі заснаваныя па рашэньні мескіх уладаў у 1933 року. Цырымонія адкрыцьця адбылася ў 1939.

Мэтсакальмісту — могілкі натуральнага віду, і патрабаваньні да іхняга аздабленьня забараняюць усталяваньне мэмарыялаў і магільных агароджаў.

У 1936 на могілках была збудаваная капліца па праекце архітэктара Гербэрта Ёхансана(et). Пазьней яна была падпаленая, а ў 1996 адноўленая з дапамогай уладаў места.

У 2006 на могілках зьявіўся калюмбарый.

Пахаваныя

Першым пахаваным на Лясных могілках у 1933 року стаў пісьменьнік і драматург Эдуард Вільдэ.

Іншыя асобы:

• Імбі Валгемяэ — акторка
• Райманд Валгрэ — кампазытар
• Паўль Керэс — шахматыст
• Лідзія Койдула — паэтка
• Яганэс Коткас — спартовец
• Вэла Орумэтс — сьпявак
• Георг Отс — сьпявак
• Канстантын Пятс — першы прэзыдэнт Эстоніі (1938—1940)
• Антон Тамсаарэ — пісьменьнік

Вонкавыя спасылкі

Лясныя могілкі (Талін) — сховішча мультымэдыйных матэрыялаў

• Плян могілак (эст.)
• Пашуковік па могілках (рас.)