Купала (фільм)
«Купа́ла» — беларускі мастацкі фільм рэжысэра Ўладзімера Янкоўскага, прадстаўлены ў 2020 року. Фільм распавядае пра жыцьцёвы і творчы шлях клясыка беларускай літаратуры Янкі Купалы.
| Купала | |
| па-беларуску: Купала | |
| Жанр | біяграфічны фільм, гістарычны фільм і драматычны фільм |
|---|---|
| Рэжысэр | |
| У ролях | |
| Вытворчасьць | Беларусьфільм |
| Распаўсюд | Беларусьфільм |
| Дата выхаду | 2020 |
| Працягласьць | 150 хвіліна |
| Краіна | |
| Мова | беларуская мова |
| Бюджэт | 1 500 000 $[1] |
| Старонка на IMDb | |
7 ліпеня 2023 году канчатковую вэрсію фільма са спэцэфэктамі і субтытрамі па-ангельску выклалі на партале «Баравік» у выглядзе торэнта для спампоўкі[2].
Сюжэт
рэдагавацьГістарычная драма апавядае пра лёс народнага паэта Беларусі Янкі Купалы. У карціне раскрываюцца асноўныя вяхі жыцьцёвага і творчага шляху паэта, якія супалі з найбольш трагічнымі падзеямі XX стагодзьдзя.
У ролях
рэдагаваць| Актор | Роля |
|---|---|
| Мікалай Шастак | Янка Купала |
| Вераніка Пляшкевіч | Паўліна Мядзёлка |
| Алена Гіранок | Уладзіслава Станкевіч |
| Ганна Палупанава | маці |
| Аляксандар Абрамовіч | бацька |
| Уладзімер Янкоўскі | |
| Аляксандар Яфрэмаў | |
| Аляксандар Ільін | |
| Максім Крэчатаў | |
| Уладзімер Глотаў |
Здымачная група
рэдагаваць- рэжысэр — Уладзімер Янкоўскі
- сцэнарысты — Алена Калюнова, Аляксандра Барысава, Уладзімер Янкоўскі
- апэратар — Ільля Пугачоў
- кампазытар — Уладзімер Сівіцкі
- мастак-пастаноўшчык — Натальля Навоенка
- мастак па касьцюмах — Алёна Ігруша
- мастак па грыме — Тацьцяна Баркун
- падбор актораў — Інга Муратава
Здымкі
рэдагавацьЗдымкі адбываліся цягам 2018—2019 рокаў у Беларусі (у прыватнасьці, Беларускі дзяржаўны музэй народнай архітэктуры і побыту), Летуве, Расеі. У канцы верасьня 2019 року фільм быў змантаваны. Над фільмам працавалі беларускія і расейскія апэратары. Музыка да фільму была запісаная сымфанічным аркестрам. Былі запісаныя трэйлеры фільму ангельскай, беларускай, кітайскай і маскальскай мовамі. Афіша распрацоўвалася супольна зь беларускім мастаком і дызайнэрам Уладзімерам Цэсьлерам.
7 верасьня 2020 року фільм зьявіўся ў адкрытым доступе ў інтэрнэце ў адным з тэлеграм-каналаў. Афіцыйнай прэм’еры не адбылося[3].
Узнагароды
рэдагаваць- „Падзея кінэматаграфічнага году“ Міжнароднага фэстывалю кіно краінаў СНД „Маскоўская прэм’ера“ (2020)[3]
Ацэнкі
рэдагаваць11 жніўня 2021 году кандыдат мастацтвазнаўства Зянон Пазьняк абнародаваў водгук на кінафільм «Купала», у якім зазначыў: «Гэта адзіны твор, зроблены на кінастудыі “Беларусьфільм”, дзе адлюстраваны праўдзівы беларускі дух, культура, вобразы і дачыненьні між людзьмі». Пазьняк удакладніў: «У кіно “Купала” ўражвае “трапляньне” ў вобразы..., кожная роля — вобраз, а некаторыя выкладзеныя проста бліскуча. Добра пастаўленыя і сыграныя, практычна, усе зборныя сцэны інтэлігенцыі». Мастацтвазнаўца заўважыў: «У фільме ёсьць гістарычная праўдзівасьць вобразаў, адносінаў і гістарычнай сытуацыі, і самае важнае — тут ёсьць тое сутнаснае, характэрнае, інтэлегентнае і беларускае ў дачыненьнях людзей, дух нашай звычаёвай культуры таго часу, такі знаёмы і настальгічны». Урэшце Зянон Пазьняк падкрэсьліў: «У агульных рысах у фільме “Купала” ёсьць дух культуры, адносінаў і вобраз Беларусі. Фільм увогуле зроблены прафэсійна. Гэта выяўляецца ў прыватнасьці і ў аксэсуарах, і ў касьцюмах, дасканала дапасаваных да эпохі. Але самымі прыгожымі ў фільме ёсьць створаныя акторамі вобразы людзей, беларускай інтэлігенцыі пэрыяду нацыянальнага Адраджэньня, змаганьня за незалежнасьць, за вольную Бацькаўшчыну і сьветлую Беларусь»[4].
Крыніцы
рэдагаваць- ^ https://budzma.by/news/kupala-10-pytanniau.html
- ^ У інтэрнэт выклалі фінальную вэрсію фільма «Купала» // Беларуская служба Радыё «Свабода», 13 ліпеня 2023 г. Праверана 13 ліпеня 2023 г.
- ^ а б REFORM.by. (18 лістапада 2020) Фильм «Купала» стал событием года на кинофестивале «Московская премьера» (рас.) Reformation Праверана 28 траўня 2021 г.
- ^ Зянон Пазьняк. Сьветлы Купала // «Беларуская Салідарнасьць», 11 жніўня 2021 г. Праверана 15 жніўня 2021 г.