Ковенскі замак

Ковенскі замак — сярэдневяковы замак у жамойцкім горадзе Коўна. Пабудаваны ў стратэгічна важным месцы — зліцьці Нёмана і Вяльлі як апорны пункт у абароне супраць Тэўтонскага ордэна. У наш час захавалася каля траціны замка з дзвюма вежамі. Сёньня ў замку разьмешчаны невялікі музэй.

Ковенскі замак, вежа і артылерыйскі бастыён

Гісторыя

• XIII—XIV стагодзьдзі — узьвядзеньне мураванага замка.
• 1362 — разбураны крыжакамі, але хутка адноўлены. 1383 — зноў разбураны.
• 1410 — Вітаўт канчаткова вярнуў Коўна ў склад ВКЛ і мадэрнізаваў замак.
• 1560—1580 — збудаваны артылерыйскі бастыён.
• 1655 — замак захоплены і спалены маскоўцамі.
• З 1950-х праводзіцца дасьледаваньне і кансэрвацыя рэшткаў замка.

Архітэктура

Ковенскі замак зазнаў 3 этапы рэвалюцыі: першапачаткова ён ўяўляў сабою наўпрост квадрат абведзены праслам мураванай сьцяны, на ўзор крыжацкіх лагэрбургаў. Галоўны мур па пэрымэтры абкружаў дадатковы больш нізкі мур-цьвінгэр.

Пры Вітаўце замак быў значна мадэрнізаваны: падвышаны сьцены, па кутах замкавай сьцяны былі ўзьведзены па чарзе цыліндрычныя і квадратныя флянкіруючыя вежы. Замак быў пераўтвораны ў дасканалую кастэль.

Апошнім этапам стала будаўніцтва паўкруглага артылерыйскага бастыёна вакол адной зь вежаў.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

Вонкавыя спасылкі

Ковенскі замак — сховішча мультымэдыйных матэрыялаў