Клягенфурт

Клягенфурт-ам-Вёртэрзээ (па-нямецку: Klagenfurt am Wörthersee, па-баварску: Klångfurt am Werthasee, па-славенску: Celovec ob Vrbskem jezeru — Цэлавец на Вербавым возеры) — горад на поўдні Аўстрыі, цэнтар фэдэральнай зямлі Карынтыі. У цяперашні момант колькасьць жыхароў Клягэнфурту перавышае 92 тысячы чалавек, зь іх больш за 1700 — карынтыйскія славенцы.

Клягенфурт
ням. Klagenfurt am Wörthersee
Герб Клягенфурту
Першыя згадкі:	1193
Горад з:	1246
Краіна:	Аўстрыя
Кіраўнік:	Christian Scheider[d]
Плошча:	120,11 км²
Насельніцтва (2012)
колькасьць:	94 796 чал.
шчыльнасьць:	789,24 чал./км²
Часавы пас:	UTC+1
летні час:	UTC+2
Тэлефонны код:	+43 463
Паштовы індэкс:	9020
Нумарны знак:	K
Геаграфічныя каардынаты:	46°37′0″ пн. ш. 14°18′0″ у. д.
Клягенфурт на мапе Аўстрыі Клягенфурт
Галерэя здымкаў у Вікісховішчы
http://www.klagenfurt.at/

Геаграфія

Горад разьмешчаны на рацэ Глян у альпійскай даліне Дравы.

Гісторыя

Альтэр-Пляц

Згодна зь легендай горад заснаваў герцаг Карынтыі Гэрман Спангайм. Першыя згадкі пра населены пункт Форум-Клягенвурт належаць да 1193—1199 гадоў. У 1246—1252 гадох Клягенфурт атрымаў гарадзкія правы і хутка зрабіўся адным з найвялікшых гарадоў Карынтыйскага герцагства, а пазьней — ягонай сталіцай.

Аднак на гэтым месцы таксама знаходзіўся рымскі горад Вірунум.

Славутасьці

Фантан у цэнтры гораду

Сярод славутасьцяў Клягенфурту найбольшае значэньне мае стары горад з сваім цэнтральным пляцам Альтэр-Пляц, фантан у выглядзе цмока Ліндвурм-Брунэн, а таксама возера Вёртэрзээ, якое лічыцца самым цёплым сярод альпійскіх азёр. Недялёка ад Клягенфурту знаходзіцца адзін з найпрыгажэйшых замкаў Аўстрыі Гохастэрвіц.

Адукацыя

У горадзе разьмяшчаецца ўнівэрсытэт Клягенфурту.

Вонкавыя спасылкі

• Афіцыйная старонка (ням.)
• Інфармацыя для турыстаў
• Марыя-Ларэта (ням.)