Клявіца
рака ў Беларусі
Кляві́ца — рака ў Беларусі, правы прыток ракі Клявы (басэйн Дняпра). Цячэ ў Бярэзінскім раёне Менскай вобласьці. Даўжыня 31 км. Плошча вадазбору 136 км². Выдатак вады ў вусьці 0,8 м³/с. Сярэдні нахіл воднай паверхні 0,8‰.
| Клявіца | |
| Агульныя зьвесткі | |
|---|---|
| Выток | каля в. Стайчанка |
| Вусьце | Клява |
| Краіны басэйну | Беларусь |
| Вобласьці | Менская вобласьць |
| Даўжыня | 31 км |
| Сярэднегадавы сьцёк | 0,8 м³/с |
| Плошча басэйну | 136 км² |
| Нахіл воднай паверхні | 0,8 ‰ |
На рацэ стаіць гістарычнае мястэчка Пагост.
Пачынаецца за 3 км на поўнач ад вёскі Стайчанкі, вусьце за 1 км на ўсход ад вёскі Бярозаўкі 1. Цячэ ў межах Цэнтральнабярэзінскай раўніны. Даліна трапэцападобная, шырынёй 0,9—1,5 км. Абалона пераважна двухбаковая, яе шырыня 50—200 м (месцамі да 700 м), у сярэдняй і ніжняй плыні забалочаная. Рэчышча каналізаванае на працягу 9 км (вусьце — 2 км на ўсход ад вёскі Лісітніку). Шырыня ракі ў межань у ніжняй плыні да 8 м[1].
Крыніцы
рэдагаваць- ^ Блакітная кніга Беларусі. Энцыкл. — Мн.: 1994. С. 200.
Літаратура
рэдагаваць- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 200.