Кахоўка

Кахо́ўка (па-ўкраінску: Каховка, у мінулым Іслам-Кермэн) — места абласнога значэньня ў Хэрсонскай вобласьці Ўкраіны, адміністрацыйны цэнтар Кахоўскага раёну.

Кахоўка
укр. Каховка
Герб Кахоўкі Сьцяг Кахоўкі
Першыя згадкі:	1492
Краіна:	Украіна
Вобласьць:	Хэрсонская
Раён:	Кахоўскі
Плошча:	38,3 км²
Вышыня:	29 м н. у. м.
Насельніцтва
колькасьць:	36 599 чал. (2017)
шчыльнасьць:	955,59 чал./км² (2017)
нацыянальны склад:	украінцы – 82.1%, расейцы – 15.1%, беларусы – 0.7% (2001)
Часавы пас:	UTC+2
летні час:	UTC+3
Тэлефонны код:	+380 5536
Паштовы індэкс:	74800
КОАТУУ:	6510400000
Нумарны знак:	BT, НТ / 22
Геаграфічныя каардынаты:	46°48′0″ пн. ш. 33°28′0″ у. д.
Кахоўка на мапе Ўкраіны Кахоўка
Галерэя здымкаў у Вікісховішчы
http://kakhovka-rada.gov.ua/

Геаграфія

Разьмяшчаецца на левым беразе Дняпра, за 90 кілямэтраў ад абласнога цэнтру й 10 кілямэтраў ад аднайменнай чыгуначнай станцыі на маршруце Хэрсон — Нававэсэла Запароскай вобласьці.

Гісторыя

Заснаваная ў 1492 року крымскім ханам Мэнглі I Гірэем як фартэцыя Іслам-Кермэн (İslâm Kirmân). Гэтая назва перакладаецца як ісламская фартэцыя.

У 1791 року з удзелам палкоўніка Л. М. Кулікоўскага ўзьнікла сучасная Кахоўка, яна была названая ў гонар вядомых расейскіх вайсковых братоў Мікалая ды Васіля Кахоўскіх. Яны ператварылі паселішча ў гандлёвае мястэчка, чаму вельмі спрыяла ягонае выгаднае геаграфічне становішча на перакрыжаваньні гандлёвых шляхоў, каля колішняга Гаванскага перавозу праз Дняпро.

Эканоміка

Кахоўка сёньня — адзін з прамысловых цэнтраў Хэрсоншчыны. Лідэрам прамысловай вытворчасьці зьяўляецца акцыянэрнае таварыства «Кахоўскі завод электразварнага абсталяваньня». Завод вырабляе сучасную электразварную тэхніку, якая пастаўляецца ў амаль 80 краінаў сьвету. Сярод прадукцыі заводу асабліва вялікім попытам карыстаюцца электрамасьляныя абагравальнікі.

Культура

З 1992 року Кахоўка зьяўляецца сталіцай міжнароднага музычнага фэстывалю «Таўрыйскія гульні». Крэда імрэзы — жывы гук ды найлепшая сцэна. За 12 рокаў на ёй выступілі 170 выканаўцаў з 16 краінаў сьвету.

Насельніцтва

Колькасьць

Насельніцтва

1923	1959	1970	1979	1989	2001	2017
6672	18 628	28 472	38 742	42 895	38 238	36 599

Мова

Насельніцтва па роднай мове (2001)

украінская мова	расейская	цыганская
73,85%	25,27%	0,24%