Касьцёл Адшуканьня Сьвятога Крыжа (Астравец)

Помнік сакральнай архітэктуры
Касьцёл Адшуканьня Сьвятога Крыжа
Касьцёл Адшуканьня Сьвятога Крыжа
Краіна	Беларусь
Места	Астравец
Каардынаты	54°36′41.14″ пн. ш. 25°56′46.72″ у. д.
Канфэсія	Каталіцкая царква
Эпархія	Гарадзенская дыяцэзія
Архітэктурны стыль	нэараманскі стыль
Касьцёл Адшуканьня Сьвятога Крыжа на мапе Беларусі Касьцёл Адшуканьня Сьвятога Крыжа

Сьвятых Адшуканьня Сьвятога Крыжа — помнік архітэктуры пачатку XX стагодзьдзя ў Астраўцы. Знаходзіцца ў заходняй частцы места, каля каталіцкіх могілак на гістарычным Гасьцінцы. Дзейнічае. Твор архітэктуры нэараманскага стылю.

Гісторыя

Праект касьцёла, 1909 г.

Праект касьцёла, 1909 г.

Новы мураваны касьцёл у Астраўцы збудавалі ў 1910—1911 гадох на сродкі парафіянаў. Па Другой сусьветнай вайне савецкія ўлады зачынілі касьцёл, будынак якога перарабілі пад гандлёвы склад. У 1994 годзе касьцёл вярнулі каталікам.

Архітэктура

Помнік архітэктуры нэараманскага стылю. Гэта 3-нэфавая 2-вежавая базыліка з трансэптам і 5-граннай апсыдай з закрысьціямі, узьнятая на высокі цокаль, выкладзены магутнымі вапняковымі квадрамі. З бакоў галоўнага фасада ўзвышаюцца 2-ярусныя чацьверыковыя вежы (шатровыя завяршэньні не захаваліся). Аб’ём нартэкса на ўсю шырыню запаўняецца магутным пэрспэктыўным парталам і акном-ружай над ім. У прасьценках высокіх аркавых нэфавых вокнаў-трыфорыюмаў прыступкавыя контрфорсы. Сьпічасты сылюэт ствараюць 2-схільныя шчыты тарцовых фасадаў. У адпаведнасьці з стылем у аснове ўсіх праёмаў форма паўцыркульнай аркі. Сьцены апрацоўваюцца аркатурнымі пасамі, нішамі-эксэдрамі, апярэзваюцца прафіляванымі карнізамі.

Унутраная прастора двума радамі слупоў падзяляецца на нэфы, перакрытыя цыліндрычнымі скляпеньнямі. Над уваходам месьціцца галерыя хораў.

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Адшуканьня Сьвятога Крыжа ў Астраўцы, Radzima.org