Канфэрэнцыя каталіцкіх біскупаў Беларусі
Канфэрэ́нцыя каталі́цкіх бі́скупаў Белару́сі — найвышэйшая душпастырская нарада Каталіцкай царквы ў Беларусі, створаная ў лютым 1999 году на Ўстаноўчым сходзе.
| Канфэрэнцыя каталіцкіх біскупаў Беларусі | |
| Абрэвіятура | ККББ |
|---|---|
| Дата ўтварэньня | 11 лютага 1999 (25 гадоў таму) |
| Месцазнаходжаньне | Менск |
| Дзейнічае ў рэгіёнах | Беларусь |
| Сяброўства | Каталіцкая царква ў Беларусі |
| Афіцыйныя мовы | беларуская |
| Генэральны сакратар | Юзаф Станеўскі |
| Старшыня | Алег Буткевіч |
| Намесьнік | Аляксандар Кашкевіч |
| Асноўныя асобы | Антоні Дзям’янка, Казімер Велікаселец |
| Кіроўны орган | Пастаянная рада |
| Матчына кампанія | Каталіцкая царква |
| Колькасьць супрацоўнікаў | 34 (2021 год) |
| Сайт | catholic.by |
Будова рэдагаваць
На 2021 год ККББ улучала Пленарны сход, Пастаянную раду і Генэральны сакратарыят. У яе падпарадкаваньні знаходзіліся:
- 6 камісіяў — 1) абароны малалетніх, 2) агульнага пастырства, 3) Божага культу і дысцыпліны сакрамэнтаў, 4) духавенства, 5) каталіцкай адукацыі і катэхезы, 6) фармацыi сэмiнарыстаў i сьвятароў;
- 9 радаў — 1) аховы культурнай спадчыны і асяродзьдзя, 2) дабрачыннасьці, справядлівасьці і міру, 3) кантактаў зь дзяржавай, 4) міграцыі, турызму і пілігрымак, 5) сьвецкіх, моладзі і пастырства, 6) сродкаў масавай інфармацыі, 7) сям’і, 8) цьвярозасьці, 9) экумэнізму.
- будаўнічае бюро, інфармацыйная служба, пастырскі і тэлевізійны цэнтры, а таксама таварыства «Карытас»[1].
Старшыні рэдагаваць
- Казімер Сьвёнтак (11 лютага 1999 — 14 чэрвеня 2006)
- Аляксандар Кашкевіч (14 чэрвеня 2006 — 3 чэрвеня 2015)
- Тадэвуш Кандрусевіч (3 чэрвеня 2015 — 3 студзеня 2021)
- Алег Буткевіч (зь 15 красавіка 2021 году)[2].
Крыніцы рэдагаваць
- ^ Канфэрэнцыя каталіцкіх біскупаў Беларусі // Менска-Магілёўская архідыяцэзія, 2021 г. Праверана 15 красавіка 2021 г.
- ^ Старшынёй Канфэрэнцыі каталіцкіх біскупаў у Беларусі выбраны Алег Буткевіч // Беларускае тэлеграфнае агенцтва, 15 красавіка 2021 г. Праверана 15 красавіка 2021 г.