Зьмееўка (Бэрыслаўскі раён)

	Зьмееўка
	укр. Зміївка
	; Швэдзкая лютэранская кірха ў вёсцы
Герб Зьмееўкі	Сьцяг Зьмееўкі
Першыя згадкі:	1782/1915
Краіна:	Украіна
Вобласьць:	Хэрсонская
Раён:	Бэрыслаўскі
Плошча:	96,839 км²;
Вышыня:	35 м н. у. м.
Насельніцтва:	2759 чал.
Часавы пас:	UTC+2
летні час:	UTC+3
Тэлефонны код:	+380 5546
Паштовы індэкс:	74372
Геаграфічныя каардынаты:	46°52′13″ пн. ш. 33°34′59″ у. д. / 46.87028° пн. ш. 33.58306° у. д.Каардынаты: 46°52′13″ пн. ш. 33°34′59″ у. д. / 46.87028° пн. ш. 33.58306° у. д.
	Зьмееўка на мапе Ўкраіны Зьмееўка
	Галерэя здымкаў у Вікісховішчы

Зьмееўка (па-ўкраінску: Зміївка) — вёска ў Бэрыслаўскім раёне Хэрсонскай вобласьці Ўкраіны.

Гісторыя

Вёска, пад назвай Старашвэдзкае (па-ўкраінску: Старошведське, па-швэдзку: Gammalsvenskby, на мясцовым дыялекце — па-швэдзку: Gammölsvänskbi), была заснаваная ў 1781 годзе швэдзкімі каляністамі, якіх Кацярына II перасяліла сюды з выспы Хіюмаа, цяпер у Эстоніі. У канцы XVIII стагодзьдзя ў вёску таксама быў паселены яшчэ 31 палонны швэдзкі жаўнер. У 1804 годзе побач узьніклі тры нямецкія вёскі: Шлянґэндорф (па-нямецку: Schlangendorf), Мюльхаўзэндорф (па-нямецку: Mühlhausendorf) і Клёстэрдорф (па-нямецку: Klosterdorf).^[1] З часам вёскі разрасьліся і зьядналіся ў адну. У 1929 годзе частка швэдзкага насельніцтва вярнулася ў Швэцыю. Але шмат хто зь іх не атрымаў магчымасьці знайсьці добрую працу і вярнуўся назад. У 1932—1933 гадах ва Ўкраіне быў Галадамор, але пакінуць вёску ў швэдаў ўжо не было магчымасьці. Падчас і пасьля другой сусьветнай вайны нямецкае насельніцтва альбо пакінула вёску самастойна, альбо было выселена савецкай уладай.

Перасяленьне бойкаў

У 1951 годзе паводле польска-савецкіх дамоваў аб абмене тэрыторыямі быў ліквідаваны Дольнаўстрыцкі раён Драгобіцкай вобласьці УССР, насельніцтва якога было прымусова выселена з родных вёсак і паселена ў паўднёва-ўсходніх абласьцёх УССР. У Зьмееўку былі пераселены жыхары трох бойкаўскіх вёсак: Ладыны, Нанова і Дольніх Берагоў.

Насельніцтва

Насельніцтва вёскі — 2759 асобаў. Швэдзкая грамада цяпер налічвае каля 100 асобаў. Частка зь іх дагэтуль гаворыць на старашвэдзкай мове. Большасьць насельніцтва (каля 80%) — перасяленцы-бойкі.

Рэлігія

У вёсцы дзейнічаюць тры царквы: праваслаўная (кіеўскага патрыярхату), грэка-каталіцкая і эвангельска-лютэранская кірха.^[2]

Помнікі

У 2001 годзе (у гадавіну дэпартацыі) на беразе Дняпра быў усталяваны памятны знак з выявай гор, бойкаўскай царквы ды хаты. 23 жніўня 2010 году ў вёсцы быў адчынены мэмарыял «Барацьбітам за волю Украіны». Раней у вёсцы быў помнік Леніну, але паводле рашэньня сельскага савету ён быў дэмантаваны ў 2008 годзе.

Вуліцы вёскі

Кастрычніцкая (па-ўкраінску: Жовтнева)
М. Булата (па-ўкраінску: М.Булата)
Маладзёвая (па-ўкраінску: Молодіжна)
Школьная (па-ўкраінску: Шкільна)
Будзённага (па-ўкраінску: Будьонного)
Гагарына (па-ўкраінску: Гагаріна)
Набярэжная (па-ўкраінску: Набережна)
Новая (па-ўкраінску: Нова)
Рабочая (па-ўкраінску: Робоча)
Стэпавая (па-ўкраінску: Степова)
Уроджайная (па-ўкраінску: Урожайна)
Чарнавіла (па-ўкраінску: Чорновола)
Шаўчэнкі (па-ўкраінску: Шевченка)
30 гадоў Перамогі (па-ўкраінску: 30 років Перемоги)
Інтэрнацыянальны завулак (па-ўкраінску: Інтернаціональний провулок)
Завулак Міру (па-ўкраінску: провулок Миру)

Выбары ў вёсцы

Улічваючы нетыповы для дадзенага рэгіёну склад насельніцтва вёскі, цікавымі зьяўляюцца вынікі выбараў у вёсцы. Мясцовыя жыхары часьцей падтрымліваюць папулярных на захадзе Ўкраіны палітыкаў. Ніжэй пададзена табліца для другога туру выбараў прэзыдэнта ва Ўкраіне 2010 року.^[3]

	Януковіч	Цімашэнка	Супраць усіх
Зьмееўка	22,39%	71,30%	5,47%
Хэрсонская вобласьць	59,98%	33,73%	5,04%

Крыніцы

^ Шведы со Змеевки журнал «Вокруг Света» (рас.)
^ Стэпавыя бойкі(недаступная спасылка), Український Тиждень (укр.)
^ Вибори Президента України 2010, старонка Цэнтральнай выбарчай камісіі Ўкраіны (укр.)

Вонкавыя спасылкі

Шведы со Змеевки (рас.)
Долі західних бойків в Україні(недаступная спасылка) (укр.)

[1] Шведы со Змеевки журнал «Вокруг Света» (рас.)

[2] Стэпавыя бойкі(недаступная спасылка), Український Тиждень (укр.)

[3] Вибори Президента України 2010, старонка Цэнтральнай выбарчай камісіі Ўкраіны (укр.)

[1]

[2]

[3]