Згуртаваньне беларусаў у Вялікай Брытаніі

Згуртаваньне беларусаў у Вялікай Брытаніі (ЗБВБ) (па-ангельску: Association of Belarusians in Great Britain) — найстарэйшая^[1] арганізацыя беларускай дыяспары ў Вялікабрытаніі.

Гісторыя

Урачысты сход Згуртаваньня, у прэзыдыюме сядзіць старшыня Алена Міхалюк, Лёндан, 2001

Пасьля заканчэньня Другой сусьветнай вайны ў Вялікабрытаніі апынулася некалькі тысячаў выхадцаў зь Беларусі, большасьць зь якіх ваявала ў польскай Арміі генэрала Андэрса на баку саюзьнікаў у Італіі. З 1945 г. пачалося арганізаванае беларускае жыцьцё ў Брытаніі, а ў сьнежні 1946 г. была ўтворанае «Згуртаваньне беларусаў у Вялікай Брытаніі»^[2]. ЗБВБ стала першай арганізацыяй беларускае дыяспары, утворанай хваляй эміграцыі пасьля Другой Сусьветнай вайны.^[3]

Запрашэньне на прыняцьце з нагоды сьвяткаваньня стагоддзя БНР у Ўэстмінстэрскім Палацы, Лёндан, 2018

Выступае Станіслаў Шушкевіч, першы кіраўнік незалежнай Беларусі, на прыняцьці з нагоды сьвяткаваньня стагоддзя БНР, Лёндан, 2018

Асноўныя асяродкі арганізацыі разьмяшчаліся ў Лёндане, Манчэстэры і Брэдфардзе. ЗБВБ мела некалькі дамоў, у тым ліку Беларускі дом у Лёндане. Пры падтрымцы ЗБВБ у 1954 г. з мэтаю пашыраць кантакты між ангельцамі і беларусамі было заснаванае Ангельска-беларускае таварыства^[4].

Сучаснасць

У цяперашні час дзейнасць Згуртаваньня ўключае ў сябе:

ушанаваньне памяці аб прыкметных падзеях у гісторыі беларускага незалежніцкага руху, такіх як абвяшчэнне Беларускай Народнай Рэспублікі ў 1918 г. і Слуцкае паўстаньне ў 1921 г.;

супрацоўніцтва і падтрымка беларускай дэмакратыі;

фінансавая падтрымка беларускіх культурных праектаў;

арганізацыя сустрэч у Брытаніі з вядомымі дзеячамі беларускай культуры і палітыкі;

узаемадзеяньне з брытанскімі палітыкамі і журналістамі.

У 2018 годзе Згуртаваньне арганізавала сьвяткаваньне стагоддзя абвяшчэньня Беларускай Дэмакратычнай Рэспублікі ў Вестмінстэрскім палацы.

Старшыня ЗБВБ па стане на 2021 год — Мікалай Пачкаеў.

Выбітныя сябры ЗБВБ

Крыніцы

^ https://web.archive.org/web/20110710045323/http://belarusians.co.uk/arhanizacyi/
^ https://web.archive.org/web/20160303233233/http://www.zbvb.org.uk/ZBVB_beginning.htm
^ Раіса Жук-Грышкевіч. Жыцьцё Вінцэнта Жук-Грышкевіча - Выдавецкі Фонд Успамінаў зь Беларускага Жыцьця, Таронта, 1993, с. 83
^ https://web.archive.org/web/20160304000059/http://www.zbvb.org.uk/ZBVB_activities.htm

Вонкавыя спасылкі

Сайт ЗБВБ

[1] ttps://web.archive.org/web/20110710045323/http://belarusians.co.uk/arhanizacyi/

[2] ttps://web.archive.org/web/20160303233233/http://www.zbvb.org.uk/ZBVB_beginning.htm

[3] Раіса Жук-Грышкевіч. Жыцьцё Вінцэнта Жук-Грышкевіча - Выдавецкі Фонд Успамінаў зь Беларускага Жыцьця, Таронта, 1993, с. 83

[4] ttps://web.archive.org/web/20160304000059/http://www.zbvb.org.uk/ZBVB_activities.htm

[1]

[2]

[3]

[4]