Запіскі афіцэра Чырвонай Арміі

	Запіскі афіцэра Чырвонай Арміі (ад 17 верасьня 1939 г.)
	Zapiski oficera Armii Czerwonej (od 17 września 1939 roku)
Жанр:	раман
Аўтар:	Сяргей Пясэцкі
Мова арыгіналу:	польская мова
Публікацыя:	1957 год
Выдавецтва:	выдавецтва «GRYF»
Пераклад на беларускую:	2005 рок
Перакладчык:	Алесь Астраўцоў
	Электронная вэрсія

«Запі́скі афіцэ́ра Чырво́най А́рміі (ад 17 ве́расьня 1939 г.)» (па-польску: Zapiski oficera Armii Czerwonej (od 17 września 1939 roku))^[1] — раман Сяргея Пясэцкага ўпершыню апублікаваны ў 1957 годзе ў Лёндане ў выдавецтве «GRYF». Гэтая сатыра апісвае знаходжаньне ахвіцэра Чырвонай Арміі Міхаіла Зубава на Віленшчыне, якую акупаваў СССР, а потым і Нямеччына.

Напісаньне раману пачалося ў траўні 1946 году. Аўтар пісаў кнігу паводле памяці й сваіх нататак. Пра напісаньне гэтакага раману Пясэцкі задумваўся ўжо ў 1940 годзе.

Форма й зьмест

Гэты гратэскны раман быў напісаны ў форме дзёньніка, які вёўся з 22 верасьня 1939 году па 1 студзеня 1945 году, які прысьвечаны (у залежнасьці ад палітычнае сытуацыі) Сталіну, Гітлеру, Чэрчылю, Сікорскаму і Рачкевічу і зноў Сталіну. Стыль навязвае сынтаксіс і фармуляваньне сказаў на манэр расейскае мовы.

Дзеяньне разгортваецца ў Вільні, Лідзе ды ваколіцах.

Гэты раман — перш за ўсё псыхалягічны вобраз тыповага прадстаўніка савецкага мэнталітэту сталінскіх часоў, які няздольны думаць самастойна, чалавека мэханізаваных паводзінаў, заснаваных на страху, паслухмянасьці, бальшавіцкай ідэалёгіі й нянавісьці да ўяўных «буржуазных» ворагаў. У той жа час у рамане прадстаўленая карціна польскага насельніцтва на Віленшчыне й Гарадзеншчыне пад час Другое сусьветнае вайны.

Беларускія выданьні

Сяргей Пясецкі. Запіскі афіцэра Чырвонай Арміі (ад 17 верасня 1939 г.). — VivaFutura, 2005. — 252 с. — ISBN 985-6056-37-0 (пераклад з польскай мовы Алеся Астраўцова)^[2]
Сяргей Пясецкі. Запіскі афіцэра Чырвонай Арміі (ад 17 верасня 1939 г.). — Мінск: Медысонт, 2019. — 256 с. — ISBN 978-985-7228-18-8 (пераклад Алеся Астраўцова)^[3]