Еўле

Еўле (па-швэдзку: Gävle) — горад у Швэцыі, у ляндскапе Естрыкляндзе. Цэнтар камуны Еўле і лэну Еўлеборгу. Разьмешчаны пры ўпадзеньні ракі Гаўлеанў ў Еўлеўскую бухту Батнічнага заліву. За 15 км на паўднёвы ўсход ад Еўле знаходзіцца вусьце ракі Дальэльвэну. Насельніцтва гораду на 31 сьнежня 2015 году — 74 884 чалавекі.

Еўле
швэдз. Gävle
Пляц Стуртор’ет, выспа Альдэргольмэн, Стары Еўле, набярэжная Еўле Странд, Ратуша Еўле, будынкі ўздоўж ракі Гаўлеану
Першыя згадкі:	1413
Краіна:	Швэцыя
Лэн:	Еўлеборг
Камуна:	Еўле
Плошча:	42,45 км²
Вышыня:	8 м н. у. м.
Насельніцтва (2015)
колькасьць:	74 884 чал.
шчыльнасьць:	1764,05 чал./км²
Часавы пас:	UTC+1
летні час:	UTC+2
Тэлефонны код:	026
Паштовы індэкс:	80x xx
Геаграфічныя каардынаты:	60°40′29.4″ пн. ш. 17°8′39.8″ у. д.
Еўле на мапе Швэцыі Еўле
Галерэя здымкаў у Вікісховішчы
www.gavle.se

Гісторыя

Упершыню Еўле згадваецца ў 1413 годзе. У 1446 атрымаў гарадзкія прывілеі. Еўле служыў партовым горадам для прамысловага раёну Бэргсьляген. У час Вялікай Паўночнай вайны, у 1719 годзе, Еўле здолеў пазьбегнуць лёсу іншых усходняшвэдзкіх гарадоў, а менавіта — быць спаленым і разрабаваным расейцамі, бо абаронцы гораду адбілі некалькі расейскіх атак. У XVIII стагодзьдзі горад меў станоўчае эканамічнае разьвіцьцё. У 1792 у мясцовым замку кароль Густаў III склікаў апошні раз у сваім жыцьці рыксдаг. У XIX стагодзьдзі Еўле быў важным прамысловым цэнтрам, але пачынаючы з XX стагодзьдзя паступова страціў сваё значэньне.

Славутасьці

Еўлеўскі казёл у 2009 годзе

• Замак Еўле (першапачаткова заснаваны ў 1583)
• Царква Сьвятой Тройцы (1654)
• Квартал Стары Еўле
• Музэй лэну Еўлеборг
• Швэдзкі чыгуначны музэй
• Тэатар Еўле (пабудаваны ў 1878)
• Еўлеўскі казёл — вялізная саламяная фігура Каляднага казла, якую з 1966 штогод усталёўваюць на Замкавым пляцу. Вядомасьць набыў праз тое, што казла амаль штогод спальваюць вандалы, нягледзячы на спробы ўладаў захаваць фігуру.

Спорт

У горадзе разьмяшчаецца футбольны клюб «Ефле».