Дэн Гэм’юз
Дэн Гэ́м’юз (па-ангельску: Dan Hamhuis; нарадзіўся 13 сьнежня 1982 году, Сьмітэрз, Канада) — канадзкі хакеіст, гулец клюбу «Ванкувэр Кэнакс», які выступае ў НХЛ і нацыянальнай зборнай Канады. На драфце НХЛ 2001 году быў абраны ў 1-м раўндзе пад агульным 12 нумарам клюбам «Нэшвіл Прэдатарз». Адгуляўшы пасьля гэтага адзін год у фарм-клюбе «Нэшвілу» ў АХЛ, з 2003 году Гэм’юс стаўся асноўным гульцом «драпежнікаў» у наймацнейшай лізе Паўночнай Амэрыкі. Зь перапынкам на адзін год лакаўту ён абараняў колеры «Прэдатарз» на працягу шасьці сэзонаў. У 2010 годзе ў якасьці вольнага агента перайшоў у склад «Ванкувэр Кэнакс». У першы сэзон у новым клюбе дайшоў да фіналу Кубка Стэнлі.
| Дэн Гэм’юз | ||
|---|---|---|
 | ||
| Рост | 185 см | |
| Вага | 95 кг | |
| Пазыцыя | абаронца | |
| Кідок/Ловы | левы | |
| Грамадзянства | ||
| Дата нараджэньня | 13 сьнежня 1982 (40 гадоў) | |
| Месца нараджэньня | Сьмітэрз, Канада | |
| Клюб | Ванкувэр Кэнакс | |
| Выступаў за | ||
| Нацыянальная зборная |  Канада
| |
| Драфт НХЛ | 12, 2001 Нэшвіл Прэдатарз | |
| Гульнявая кар’ера | 2010 — цяпер | |
У 2007 годзе ўпершыню ў складзе нацыянальнай зборнай Канады прыняў удзел у чэмпіянатах сьвету па хакеі, дзе стаў чэмпіёнам сьвету. У 2008 і 2009 гадох атрымліваў срэбраныя мэдалі на сусьветных форумах. У 2014 годзе разам са зборнай стаў алімпійскім чэмпіёнам.
ДасягненьніРэдагаваць
- Чэмпіён сьвету: 2007
- Срэбраны прызэр чэмпіянату сьвету: 2008, 2009
- Алімпійскі чэмпіён: 2014
Вонкавыя спасылкіРэдагаваць
Дэн Гэм’юз — сховішча мультымэдыйных матэрыялаў