Дзень абаронцаў Украіны
Дзень абаронцаў Украіны (па-ўкраінску: День захисників і захисниць України) — дзяржаўнае сьвята Украіны, адзначаецца 1 кастрычніка. Прынятае ў 2014 годзе. З 2015 году гэты дзень ва Ўкраіне непрацоўны.
Сьвята Пакроў Прасьвятой Багародзіцы, што адзначаецца 14 кастрычніка, для запароскіх казакаў быў вялікім сьвятам. Менавіта ў гэты дзень абіраліся новыя старшыні.
Да 2022 году сьвята адзначалася 14 кастрычніка, бо да 1 верасьня 2023 года хрысціянскія цэрквы Украіны жылі па юліянскім календары.[1]
Афіцыйны статус рэдагаваць
14 кастрычніка 2014 году Загадам прэзыдэнта Ўкраіны быў заснаваны «Дзень абаронцы Ўкраіны».
Адначасова быў адменены загад 2009 году, згодня зь якім 23 лютага адзначалася як Дзень абаронцы Айчыны[2].
5 сакавіка 2015 году Вярхоўная рада Ўкраіныабвесьціла 14 кастрычніка выходным днём[3].
10 кастрычніка 2015 году ўнесены зьмены ў загад прэзыдэнта ад 23 жніўня 2004 году «Аб Дне Дзяржаўнага Сьцяга Ўкраіны». Сьпіс дзяржаўных сьвятаў, падчас якіх мясцовым ўладам, прадпрыемствам і арганізацыямпрапаноўвалася вывешваць Дзяржаўны сьцяг Украіны, дапоўніўся Днём абаронцы Ўкраіны[4].
12 кастрычніка 2015 году Нацыянальны банк Украіны ўвёў у зварот 50 тыс. памятных манэтаў «День захисника України» наміналам 5 грывен[5].
14 ліпеня 2021 году Вярхоўная Рада Ўкраіны прагаласавала за законапраект 25 2325 аб унясеньні зьмяненьняў у артыкул 73 Працоўнага кодэкса Ўкраіны, згодна зь якім «День захисника України» быў перайменаваны ў «День захисників і захисниць України».[6] Закон уступіў у сілу 5 жніўня 2021 году.
Пасьля правядзеньня Архіерэйскага Сабора 24 мая 2023 году стала вядома, што Праваслаўная Царква Ўкраіны будзе прасіць улады перанесьці Дзень абаронцаў Украіны, а таксама Дзень украінскай дзяржаўнасьці, у сувязі з каляндарнай рэформай, таму што Пакроў Прасьвятой Багародзіцы ў ПЦУ і ЎГКЦ з 2023 году будуць сьвяткаваць 1 кастрычніка.[7] 28 чэрвеня 2023 г. Прэзыдэнт Украіны Ўладзімір Зяленскі ўнёс у Вярхоўную Раду Ўкраіны законапраект аб пераносе Дня абаронцаў Украіны з 14 кастрычніка на 1 кастрычніка.[8][9] Законапраект быў прыняты Вярхоўнай Радай Украіны 14 ліпеня 2023 году.[10][11]
Глядзіце таксама рэдагаваць
Крыніцы рэдагаваць
- ^ ПЦУ звернеться до уряду з проханням перенести День захисників і захисниць
- ^ Указ Президента Украины № 806/2014 от 14.10.2014. Президент Украины (2014-10-14).
- ^ Закон Украины от 5 марта 2015 года № 238-VIII, Вярхоўная рада Ўкраіны
- ^ Загад Прэзыдэнта Ўкраіны № 576/2015 от 10.10.2015
- ^ Нацбанк вводить в обіг нову монету до Дня захисника України
- ^ Гендерна рівність: Рада перейменувала День захисника України Праверана 14 липень 2021 г.
- ^ ПЦУ проситиме перенести День захисників і захисниць на 1 жовтня (укр.) Праверана 2023-06-29 г.
- ^ Zelensky Introduces Proposed Draft Law to Change Holiday Dates (анг.)
- ^ Zelensky submitted to the Verkhovna Rada a law on changing holiday dates (анг.)
- ^ Вярхоўная Рада Ўкраіны перанесьла сьвяткаваньне Раства на 25 сьнежня
- ^ Рада змінила дати трьох свят – Різдва, Дня Української Державності, Дня захисників і захисниць