Джо Пэшы
Джозэф Фрэнк «Джо» Пэшы (па-ангельску: Joseph Frank "Joe" Pesci; нар. 9 лютага 1943 году, Ньюарк, Нью-Джэрзі, ЗША) — амэрыканскі актор, комік і сьпявак. Найбольшую вядомасьць атрымаў дзякуючы шматгадоваму супрацоўніцтву з Робэртам Дэ Ніра і Мартынам Скарсэзэ ў фільмах «Шалёны бык» (1980), «Славутыя хлопцы» (1990), «Казіно» (1995) і «Ірляндзец» (2019).
Джо Пэшы | |
 | |
| Дата нараджэньня | 9 лютага 1943[1][2] (81 год) |
|---|---|
| Месца нараджэньня | |
| Месца вучобы | |
| Занятак | актор, комік, сьпявак, тэлеактор, характарны актор, кінаактор |
| Жанры | кінакамэдыя, гангстэрскі фільм[d], драматычны фільм, крымінальны фільм[d], трылер[d], крымінальны трылер[d], crime drama film[d], эпічны фільм[d], гістарычны фільм, нуар[d] і гістарычны драматычны фільм[d] |
| Узнагароды | |
| IMDb | ID nm0000582 |
| Подпіс | 
|
Роля Томі Дэвіта ў «Славутых хлопцах» прынесла Пэшы прэмію «Оскар» у катэгорыі найлепшы актор другога пляну, а за ролю ў «Шалёным быку» актор быў адзначаны прэміяй BAFTA як найлепшы пачатковец. Сярод іншых яскравых работ актора вылучаюцца калядныя камэдыі «Адзін дома» і «Адзін дома 2: Згублены ў Нью-Ёрку», крымінальная драма «Аднойчы ў Амэрыцы» (1984), аскараносная кінакамэдыя «Мой стрыечны брат Віні» (1992) і сэрыя фільмаў «Сьмяротная зброя». Пэшы таксама ёсьць правобразам пэрсанажа Полі з кампутарнай гульні Mafia: The City of Lost Heaven, якая атрымала шырокую папулярнасьць і культавы статус. Як музыка склаў некалькі музычных альбомаў, першы зь якіх пабачыў сьвет яшчэ ў 1968 годзе. Мае італьянскае паходжаньне праз абодвух бацькоў.
Крыніцы
рэдагаваць- ^ Joe Pesci // filmportal.de — 2005.
- ^ Joe Pesci // Munzinger Personen (ням.)