Джон Ле Карэ

брытанскі пісьменьнік

Джон Ле Карэ́ (па-ангельску: John le Carré; сапраўднае імя — Дэ́йвід Джон Мур Ко́рнуэл[11], па-ангельску: David John Moore Cornwell; 19 кастрычніка 1931, Пул, Англія12 сьнежня 2020, Труро[12]) — ангельскі пісьменьнік, аўтар шпіёнскіх раманаў. За 50 год выдаў 22 раманы, якія перакладзеныя на 36 моваў[13]. Яго кнігі шмат разоў былі экранізаваныя.

Джон Ле Карэ
John le Carré cropped.jpg
Асабістыя зьвесткі
Нарадзіўся 19 кастрычніка 1931(1931-10-19)[1][2][3][…]
Памёр 12 сьнежня 2020(2020-12-12)[5][6] (89 гадоў)
Бацькі Olive Moore Cornwell[d]
Сужэнец Alison Sharp[d] і Valerie Eustace[d]
Дзеці Nick Harkaway[d]
Літаратурная дзейнасьць
Род дзейнасьці навэліст, сцэнарыст, кінапрадусар, актор, шпіён, пісьменьнік
Гады творчасьці с 1961
Жанр шпіёнскі раман[d] і дэтэктыў[d][8]
Мова нямецкая[9], француская мова і ангельская мова[10]
Узнагароды
Подпіс Выява аўтографу
http://www.johnlecarre.com/

ЖыцьцяпісРэдагаваць

Скончыў Лінкальн-каледж Оксфарду, ужо ва ўнівэрсытэце пачаў супрацоўнічаць з брытанскай контравыведкай Мі-5, выкладаў мовы ў самай прэстыжнай брытанскай школе, Ітане, а затым перайшоў на штатную працу ў контравыведку. У 1959 годзе ён перайшоў на працу ў замежную выведку Мі-6, працаваў пад дыпляматычным прыкрыцьцём ў Заходняй Нямеччыне.

Пачаў пісаць раманы аб працы выведкі ў часы халоднай вайны; пасьля таго, як да іх прыйшоў посьпех, пакінуў дзяржаўную службу. Самыя вядомыя яго кнігі — «Шпіён, які прыйшоў з холаду», «Шпіён, выйдзі прэч», «Расейскі дом», апошняя яго праца выйшла ў 2019 годзе.

Творы Ле Карэ вылучае адсутнасьць у іх супэргерояў, складаныя псыхалягічныя лініі, бездакорная ангельская мова. Ён увёў у шырокі ўжытак многія словы з тэрміналёгіі спэцслужбаў, напрыклад, слова «крот» для ўкаранёных агентаў стала шырока выкарыстоўвацца пасьля яго раману «Шпіён, выйдзі прэч» 1974 году.

КрыніцыРэдагаваць