Гордан Браўн

Го́рдан Браўн (па-ангельску: Gordon Brown; нарадзіўся 20 лютага 1951, Гіфнак, Шатляндыя) — брытанскі (шатляндзкі) палітык, лейбарыст, прэм'ер-міністар Вялікабрытаніі з 27 чэрвеня 2007 да 11 траўня 2010 г.

Гордан Браўн
па-ангельску: Gordon Brown
74-ы Прэм'ер-міністар Вялікабрытаніі
з 27 чэрвеня 2007 — 11 траўня 2010
Папярэднік:	Тоні Блэр
Наступнік:	Дэйвід Кэмэран
Канцлер казначэйства Вялікабрытаніі
2 траўня 1997 — 27 чэрвеня 2007
Прэм’ер-міністар:	Тоні Блэр
Папярэднік:	Kenneth Clarke
Наступнік:	Алістэр Дарлінг
Асабістыя зьвесткі
Нарадзіўся:	20 лютага 1951 (73 гады) Гіфнак
Партыя:	Лейбарысцкая партыя Вялікабрытаніі
Сужэнец:	Сара Маколей
Дзеці:	Джон Маколэй Браўн[d], Джэймз Фрэйзэр Браўн[d] і Джэніфэр Джэйн Браўн[d]
Бацька:	Rev. John Ebenezer Brown[d]
Маці:	Bunty Souter[d]
Адукацыя:	Эдынбурскі ўнівэрсытэт Вышэйшая школа Кэрккэлдзі[d] Acland Burghley School[d] Wellfield Middle School[d]
Узнагароды:	ганаровы сябра Эдынбурскага каралеўскага таварыства[d]
Гордан Браўн у Вікісховішчы

Біяграфія

Нарадзіўся ў сям’і прасьвітэрыянскага пастара.

Сярэдняя адукацыя атрымаў у школе гораду Кіркодзі. Скончыў Эдынбурскі ўнівэрсытэт (з адзнакай), мае навуковыя ступені магістра (1972) і доктара ў вобласьці гісторыі (1982; доктарская праца прысьвечаная гісторыі Лейбарысцкай партыі і палітычных рэформаў у Шатляндыі ў 1918—1929).

З маладых гадоў быў актывістам Лейбарысцкай партыі, пачаўшы ўдзельнічаць у яе дзейнасьці ва ўзросьце 12 гадоў.

У 1970-я за радыкальныя левыя погляды атрымаў мянушку «Чырвоны Горд». Затым эвалюцыянаваў у бок палітычнага цэнтру.

• У 1972—1975 — рэктар Эдынбурскага ўнівэрсытэту (у Шатляндыі рэктар прадстаўляе інтарэсы студэнтаў і абіраецца імі, як правіла, на тры гады; функцыі кіраўніка ўнівэрсытэту выконвае віцэ-канцлер). Пасьля канчатка ўнівэрсытэту працаваў у ім часавым лектарам.
• У 1976—1980 быў выкладчыкам паліталёгіі ў Тэхналягічным каледжы Глазга.
• У 1979 упершыню балятаваўся ў парлямэнт, але прайграў кандыдату ад Кансэрватыўнай партыі.
• У 1980—1983 — карэспандэнт, рэдактар аддзела міжнародных адносін на шатляндзкім тэлебачаньні.
• З 1983 — чалец парлямэнта ад Усходняга Данфэрмлайна.
• У 1983—1984 — старшыня Лейбарысцкай партыі ў Радзе Шатляндыі.
• У 1987—1989 — галоўны сакратар казначэйства Вялікабрытаніі ў «ценявым» кабінэце міністраў.
• У 1989—1992 — міністар гандлю і індустрыі «ценявога» кабінэта міністраў.
• У 1992—1997 — «ценявы» міністар фінансаў (Канцлер казначэйства).

Гордан Браўн выступае на штогадовым сходзе Сусьветнага банку/МВФу 2002

• У траўні 1997 — чэрвені 2007 — Канцлер казначэйства Вялікабрытаніі ў лейбарысцкім урадзе Тоні Блэра (самае доўгае бесьперапыннае знаходжаньне на гэтай пасадзе з 1820-х гадоў). Зь дзейнасьцю Браўна зьвязваюць эканамічныя посьпехі ўрада ў гэты пэрыяд.
• 24 чэрвеня 2007 без суперніцтва абраны лідэрам Лейбарысцкай партыі замест Тоні Блэра.
• 27 чэрвеня 2007 прызначаны Каралевай Лізаветай II прэм’ер-міністрам Злучанага Каралеўства.

Мае рэпутацыю ўмеранага эўраскептыка, прыналежыць да сацыял-дэмакратычнага крыла Лейбарысцкай партыі (у адрозьненьне ад сацыял-лібэрала Тоні Блэра).

Кабінэт Міністраў Гордана Браўна

• Прэм’ер-міністар Вялікабрытаніі — Гордан Браўн.
• Міністар фінансаў — Алістэр Дарлінг.
• Міністар замежных справаў — Дэйвід Мілібанд.
• Міністар юстыцыі і лорд-канцлер — Джэк Стро.
• Міністар унутраных справаў — Джэкі Сьміт.
• Міністар абароны і па справах Шатляндыі — Дэс Браўн.
• Міністар аховы здароўя — Алан Джонсан.
• Міністар аховы навакольнага асяродзьдзя, харчаваньня і па пытаньнях сельскагаспадарчага разьвіцьця — Гілары Бэн.
• Міністар па пытаньнях міжнароднага разьвіцьця — Дуглас Аляксандэр.
• Міністар па пытаньнях бізнэсу, прадпрымальніцтва і рэгуляваньню рэформаў — Джон Гатан.
• Міністар працы, па справах пэнсій і па справах Ўэльса — Пітэр Гэйн.
• Міністар транспарту — Рут Келі.
• Міністар па справах грамадаў і мясцовага самакіраваньня — Гэйзл Блірз.
• Міністар па справах дзяцей, школ і сем’і — Эд Болз.
• Міністар культуры, сродкаў масавай інфармацыі і спорту — Джэймз Парнэл.
• Міністар па справах Паўночнай Ірляндыі — Шон Ўудўорт.
• Міністар па справах інавацыяў, унівэрсытэтаў і кваліфікацыям — Джон Дэнам.
• Лідэр палаты грамадаў — Гарыет Гарман.
• Парлямэнцкі сакратар пры міністэрстве фінансаў — Джэф Гун.
• Міністар пры ўрадавым кабінэце і канцлер герцагства Ланкастэрсткага — Эд Мілібэнд.

Сям’я

Жанаты (з 3 жніўня 2000) на Сары Маколей (Sarah Macaulay). Іх першае дзіця — дачка — памерла ў раньнім дзяцінстве ў 2002. Сын Джон нарадзіўся ў 2003. Другі сын Джэймз Фрэйзэр нарадзіўся 17 ліпеня 2006, а 29 лістапада 2006 было абвешчана аб тым, што яму паставілі дыягназ «фіброзна-кістозная дэгенэрацыя».

Папярэднік Тоні Блэр

Лідэр Лейбарысцкай партыі Вялікабрытаніі, Прэм'ер-міністар Вялікабрытаніі 2007 — 2010

Наступнік Дэйвід Кэмэран

Вонкавыя спасылкі

• Біяграфія (рас.)
• Біяграфія (рас.)
• Уладзімер Скасыроў. Шатландзкі сфінкс расчыняе сваю таямніцу (рас.) // «Незалежная газэта» 28.05.2007
• Юры Колкер. Гордан Браўн. Скрыпучы паварот руля (рас.) // штотыднёвік «Справа» 21.05.2007