Гарадзкія лініі

Гарадзкія лініі — адзін зь відаў хуткаснага грамадзкага транспарту ў Менску, які злучае ўскрайкі аглямэрацыі з цэнтрам гораду. На цяперашні момант дзьве лініі абслугоўваюць чатыры (з шасьці заплянаваных) цягнікі сэрыі ЭПг (Stadler FLIRT), пабудаваныя швайцарскай кампаніяй Stadler.

Гарадзкія лініі
Minsk City Lines logo.jpg
Stadler FLIRT Minsk.jpg
Першы цягнік Гарадзкіх лініяў чакае пасажыраў на канцавым прыпынку Менск-Пасажырскі.
Краіна Беларусь Беларусь
Рэгіёны Менск і прыгарад
Дата адкрыцьця 1 ліпеня 2011
Працягласьць лініяў 67 км
Колькасьць станцыяў 17
Колькасьць лініяў 2
Пасажыраў на дзень ≈1300[1]

Першая лінія пралягае ад Менску-Пасажырскага да станцыі Беларусь, па якой электрычкі праходзяць да 18 разоў на дзень у кожным з кірункаў. Ад 10 кастрычніка 2011 году ў тэставым рэжыме працуе другая лінія, якая ідзе праз Калядзічы да Рудзенска: цягнікі праходзяць у кожным кірунку да чатырох разоў на дзень.

ГісторыяРэдагаваць

У сярэдзіне 2009 году Беларуская чыгунка аб’явіла пра пачатак інвэстпраекту па стварэньні сучастнага сродку грамадзкага транспарту — гарадзкой электрычкі[2]. 19 сакавіка 2010 году Беларуская чыгунка падпісала кантракт з швайцарскай кампаніяй Stadler на пабудову 10 цягнікоў на працягу 2010-2012 гадоў. Цана аднаго цягніка склала каля 6 млн даляраў.[3] Першыя два цягнікі былі дастаўленыя ў Беларусь у лютым 2011 году, а ў тэставым рэжыме першая лінія запрацавала ўжо 1 ліпеня таго ж году.

Рэгулярны рух на першай лініі пачаўся 10 верасьня 2011 году[4][5]. На люты 2016 году 16 электрацягнікоў «Флірт» вытворчасьці «Штадлер Менск» хадзіла ў складзе гарадзкіх лініяў між Менскам і 3-ма гарадамі-спадарожнікамі — Заслаўем, Рудзенскам (Пухавіцкі раён) і Смалявічамі[6].

ЛінііРэдагаваць

 
Квіток на адну паездку, набыты ў касах.
Менск—Беларусь-Менск
 
0/34 хв Менск-Пасажырскі
 
5/30 хв Менск-Паўночны
 
10/25 хв Масюкоўшчына
 
13/22 хв Лябяжы
 
16/19 хв Ждановічы
 
20/15 хв Менскае мора
 
23/12 хв Ратамка
 
26/9 хв Крыжоўка
 
30/5 хв Зялёнае
 
34/0 хв Беларусь

КрыніцыРэдагаваць

Вонкавыя спасылкіРэдагаваць