Галу́шкі (па-ўкраінску: Галушки, па-славацку: Halušky) — украінская і славацкая страва з адвараных у кіпені кавалачкаў цеста. У адрозненьне ад варэнікаў ня маюць начыньня. Галушкі гатуюць як асобную страву або вараць зь імі суп.

Галушкі
Славацкія брынзавыя галушкі са шкваркамі
Славацкія брынзавыя галушкі са шкваркамі
Нацыянальная страваславацкая, украінская
ПаходжаньнеСлаваччына, Украіна
Асноўны складнік
Распаўсюджаныя складнікікляр[d]

На Галічыне больш распаўсюджаныя палюшкі — галушкі, у склад якіх уваходзіць адвараная бульба.

Спосаб прыгатаваньня рэдагаваць

Цеста для галушак гатуюць на аснове мукі (звычайна пшанічнай ці грэчневай або іх сумесяў), ці манных крупаў, ці сумесі мукі з бульбай, тварагом, дадаючы яйкі, ваду, соль, цукар. Цеста дзеляць лыжкай альбо раскатваюць да таўшчыні 1,5 см і наразаюць на невялікія квадраты, потым вараць у падсоленым кіпені (або булёне ці малацэ), пакуль не ўсплывуць. Адвараныя галушкі падаюць на стол з растопленым маслам альбо са шкваркамі і смажанай цыбуляй.

Перад падачай на стол галушкі можна крыху падсмажыць на патэльні з падагрэтым алеем.

У Славаччыне галушкі звычайна падаюцца пасыпаныя авечай брынзай ці іншым струганым сырам, а таксама са шкваркамі. Таксама могуць падавацца з кіслай капустаю; у такім выпадку называюцца страпачкі.

Літаратура рэдагаваць

  • Шалимов С. А., Шадура Е. А. Современная украинская кухня, Київ, Техніка, 1977, 320 с., пераклад з украінскай.