Галадаморы ў Беларусі

Галадамо́ры ў Белару́сі — масавы голад, наўмысна арганізаваны савецкімі ўладамі на тэрыторыі БССР ў 1932—1934 гадах. Тэрмін «галадамор» зьявіўся 17 жніўня 1933 года ў чэскім часопісе «Večernı́k P.L.», які разьмясьціў інфармацыю — «Hladomor v SSSR», а ў навейшай гісторыі найперш выкарыстоўваўся для апісаньня масавага, наўмысна арганізаванага голаду ва Украіне ў 1932—1933 гады. Тэматыка галадамору ў Беларусі мала даследаваная ў беларускай гістарыяграфіі і слаба прадстаўленая ў СМІ.

Галадаморы ў Беларусі
Мапа галоўных раёнаў голаду ў СССР. Чым гушчэйшая штрыхоўка — тым мацней памеры бедзтва. A — раёны спажывецкай паласы, B — раёны вытворчай паласы.
Месца атакі	БССР
Цэль атакі	генацыд
Дата	1930—40 гг.
Спосаб атакі	голад
Колькасьць ахвяраў	100—500 тысяч
Арганізатары	камуністычны таталітарны рэжым СССР

Галадамор 1932—1934 гадоў

Галадамор у Беларусі 1932—1934 — масавы, наўмысна зарганізаваны савецкай уладаю голад 1932—1934 гадоў, які прывёў да сотняў тысяч людзкіх страт (уключаючы памерлых ад голаду і рэпрэсаваных уладай у сувязі з голадам) на тэрыторыі БССР.