Гайка Вэстэрман

Гайка Вэстэрман (па-нямецку: Heiko Westermann; нарадзіўся 14 жніўня 1983 году, Альцэнаў, Нямеччына) — нямецкі футбаліст, які выступаў за нацыянальную зборную Нямеччыны на пазыцыі абаронцы. Мог згуляць таксама й на пазыцыі паўабаронцы.

Гайка Вэстэрман
Пэрсанальная інфармацыя
Нарадзіўся	14 жніўня 1983 (41 год) Альцэнаў, Нямеччына
Рост	190 см
Вага	85 кг
Пазыцыя	абаронца
Клюбы
Гады	Клюб	Гульні (галы)¹
2002—2005 2005—2007 2007—2010 2010—2015 2015—2016 2016—2017 2017—2018	Гройтэр Фюрт Армінія Шальке-04 Гамбург Рэал Бэтыс Сэвільля Аякс Амстэрдам Аўстрыя Вена	83 (2) 67 (5) 92 (12) 143 (9) 20 (1) 4 (0) 19 (0)
Зборныя
2008—2014	Нямеччына	27 (4)

Клюбная кар’ера

«Гройтэр Фюрт»

Вэстэрман пачаў сваю прафесійную кар’еру ў клюбе Другой Бундэсьлігі «Гройтэр Фюрт». Да галоўнай каманды далучыўся ў ліпені 2002 году, аднак дэбютаваў у ейным складзе 26 студзеня 2003 году ў матчы супраць «Дуйсбургу», які скончыўся перамогай «Фюрту» зь лікам 1:0.

«Армінія»

Пасьля сэзону 2004—2005 гадоў Гайка падпісаў дамову з клюбам «Армінія», якая выйшла ў тым сэзоне ў Бундэсьлігу.

«Шальке-04»

Гайка перайшоў у склад «Шальке-04» у 2007 годзе, за якога гельзэнкірхэнскі клюб заплаціў 2,8 мільёну эўра.

«Гамбург»

У ліпені 2010 году Вэстэрман пагадзіўся на пераход у стан клюбу «Гамбург», як паведамляецца, за кошт каля 7,5 мільёну эўра. Нягледзячы на тое, што Гайка быў новым гульцом для клюбу, галоўны трэнэр «Гамбургу» Армін Фэ прызначыў яго новым капітанам каманды.

Міжнародная кар’ера

Вэстэрман згуляў свой ​​першы матч за зборную Нямеччыны ў лютым 2008 году супраць зборнай Аўстрыі, якую нямецкія гульцы адзначылі перамогай зь лікам 3:0. Гайка ўваходзіў у склад нямецкай каманды, якая заняла другое месца на чэмпіянаце Эўропы 2008 году.

Дасягненьні

Нямеччына:

• Срэбраны прызэр чэмпіянату Эўропы: 2008

Вонкавыя спасылкі

• Афіцыйны сайт
• Профіль на сайце fussballdaten.de
• Профіль на сайце transfermarkt.de