Віктар Каранкевіч
Віктар Міхайлавіч Каранке́віч (1 жніўня 1976, Качэрычы, Беларуская ССР) — беларускі дзяржаўны дзяяч, міністар энэргетыкі Рэспублікі Беларусь (з 2018).
| Віктар Каранкевіч | |
| Міністар энэргетыкі Рэспублікі Беларусь | |
|---|---|
| 31 жніўня 2018 — цяперашні час | |
| Прэзыдэнт: | Аляксандар Лукашэнка |
| Прэм’ер-міністар: | Сяргей Румас |
| Папярэднік: | Уладзімер Патупчык |
| Першы намесьнік міністра энэргетыкі Рэспублікі Беларусь | |
| 2017 — 31 жніўня 2018 | |
| Прэзыдэнт: | Аляксандар Лукашэнка |
| Асабістыя зьвесткі | |
| Нарадзіўся: |
1 жніўня 1976 Качэрычы, Беларуская ССР |
| Адукацыя: | |
| Узнагароды: | |
У 1997 годзе Віктар Каранкевіч скончыў недзяржаўны Інстытут сучасных ведаў па спэцыяльнасьці «Эканамічная інфарматыка». У 2005 годзе скончыў Беларускі нацыянальны тэхнічны ўнівэрсытэт. Потым — Акадэмію кіраваньня.
Працаваў з 1997 году. Да 2004 займаў пасады спэцыяліста і вядучага спэцыяліста ў розных структурах Беларускага дзяржаўнага энэргетычнага канцэрну.
У 2004-2006 гадах быў начальнікам фінансавага аддзелу, намесьнікам начальніка ўпраўленьня фінансаў, уліку і справаздачнасьці Беларускага дзяржаўнага энэргетычнага канцэрну (цяпер — «Белэнэрга»)
З 2006 па 2012 год займаў пасаду начальніка галоўнага эканамічнага ўпраўленьня Міністэрства энэргетыкі Беларусі. У 2012 годзе прызначаны намесьнікам міністра энэргетыкі, у 2017 годзе — першым намесьнікам міністра.
31 жніўня прызначаны міністрам энэргетыкі Рэспублікі Беларусь[1][2].
У чэрвені 2022 году трапіў пад санкцыі Канады[3].
Крыніцы
рэдагаваць- ^ Лукашэнка прызначыў міністра энэргетыкі (4 месяцы не было) і міністра фінансаў. Што пра іх вядома, Радыё Свабода. 31-08-2018
- ^ Лукашенко назначил двух новых министров — финансов и энергетики, Intex-press, 31.08.2018
- ^ Regulations Amending the Special Economic Measures (Belarus) Regulations: SOR/2022-167 (анг.) Canada Gazette