Відзаўскае возера

Возера Відзаўскае Краіна Беларусь Плошча 0,97 км² Плошча вадазбору 4,5 км² Максымальная глыбіня 20,5 м Сярэдняя глыбіня 5,27 м Найбольшая даўжыня 4,07 км Найбольшая шырыня 0,54 км Вышыня над узроўнем мора 143 Аб’ём вады 5,11 млн. м³ Каардынаты 55°25′04.73″ пн. ш. 26°38′17.18″ у. д. Відзаўскае на мапе Беларусі Відзаўскае

Відзаўскае (Відзскае) — возера ў Беларусі, у басэйне ракі Дрысьвяты. Знаходзіцца ў Браслаўскім раёне Віцебскай вобласьці, за 34 км на паўднёвы захад ад места Браслава, за 1 км на поўнач ад мястэчка Відзаў. Плошча паверхні возера 0,97 км². Даўжыня 4,07 км, найбольшая шырыня 0,54 км. Найбольшая глыбіня дасягае 20,5 м, сярэдняя складае 5,27 м. Аб’ём вады 5,11 млн м³.

Апісаньне

Катлавіна складанага тыпу, выцягнутая з паўночнага захаду да паўднёвы ўсход. Схілы стромкія, вышынёй большай за 20 м, у паўднёвай частцы стромкі абразійны абрыў. Падводная частка катлавіны складаецца з 3 плёсаў — мелкаводнага ўсходняга, карытападобнай формы з шырокай літаральлю (да 30 м) заходняга і найбольш складанай будовы цэнтральнага з выспай (плошча 0,4 га) і мельлю. Большасьць берагоў зьліваецца з схіламі катлавіны, у асобных месцах абалона шырынёй да 10 м. Мелкаводзьдзе пясковае, глыбей — глей. Возера злучаецца пратокай з возерам Сэкламі, выцякае ручай у возера Маругу.

Флёра і фаўна

У возеры водзяцца шчупак, лешч, плотка, краснапёрка, акунь, лінь ды іншыя рыбы, сустракаецца вугор.

Літаратура

• Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.