Вікіпэдыя

Вожык у тумане

Во́жык у тума́не (па-расейску: Ёжик в тумане) — савецкі мультыплікацыйны фільм рэжысэра-аніматара Юрыя Нарштэйна па сцэнары Сяргея Казлова, зьняты на кінастудыі «Саюзмультфільм» у 1975 годзе.

Вожык у тумане
Ёжик в тумане
Тып мультфільму анімацыйны фільм
Жанр казка
Рэжысэр Юры Нарштэйн
Аўтар сцэнару Сяргей Казлоў
Ролі агучвалі Аляксей Баталаў, Марыя Вінаградава, Вячаслаў Нявінны
Кампазытар Міхаіл Мееровіч
Аніматары Юры Нарштэйн
Апэратар Аляксандар Жукоўскі
Гукаапэратар Барыс Фільчыкаў
Студыя Союзмультфильм
Краіна СССР
Працягласьць 10 хвілін 29 сэкундаў
Прэм’ера 1975

Атрымаў першы прыз як лепшы мультфільм на «Ўсесаюзным кінафэстывалі» ў горадзе Фрунзэ (Бішкек) у 1976 годзе, а таксама на «Фэстывалі фільмаў для дзяцей і юнацтва» ў Тэгеране ў той самы год. 25 траўня 2003 году на анімацыйным фэстывалі «Лапута», што праходзіў у Токіё, быў прызнаны «найлепшым мультфільмам усіх часоў і народаў».

Зьмест

рэдагаваць

Гэта гісторыя пра Вожыка (голас — Марыя Вінаградава) і ягонага сябра Мядзьведзіка (голас — Вячаслаў Нявінны). Яны сустракаліся кожны вечар, пілі гарбату з малінавым сочывам, глядзелі на неба й лічылі зоры. Але аднойчы Вожык, ідучы празь лес да свайго сябра, згубіўся ў тумане. Ён выяўляе сябе ў дзіўным сьвеце, які насяляюць як і жудасныя, жахлівыя істоты (сава і кажан), так і зычлівыя, добрыя (сабака, конь), у сьвеце цішыні і шолахаў, сьвеце цемры, высокай травы і ваблівых зор. Усе рэчы навокал нібыта ў сьне. Характары Вожыка й Мядзьведзіка вельмі чульлівыя, добрыя і рамантычныя. І напроць, да прыкладу, сава — вельмі прагматычная, няздольная адчуць прыгажосьць навакольнага сьвету.

Здымачная група

рэдагаваць

Вонкавыя спасылкі

рэдагаваць
Атрымана з «https://be-tarask.wikipedia.org/w/index.php?title=Вожык_у_тумане&oldid=2206234»